VADODARA : બળાત્કારના આરોપની અરજી થતા આધેડે ઝેરી દવા ગટગટાવી

આક્ષેપો વાળી અરજી કરી

સમગ્ર મામલે પ્રાપ્ત પ્રાથમિક વિગતો અનુસાર, અબ્દુલભાઇ ઉર્ફે મુન્નો ઘાંચી સમીયાલામાં આવેલી સોસાયટીમાં રહેતા હતા. તેઓ ખેતી કરીને પરિવારનું ગુજરાન ચલાવે છે. તાજેતરમાં એક મહિલાએ તેમના વિરૂદ્ધ પાદરા પોલીસ મથકમાં બળાત્કારના આક્ષેપો વાળી અરજી કરી હતી. જે અંગે અબ્દુલભાઇને જાણ થતા તેઓ આઘાતમાં સરી પડ્યા હતા. બાદમાં આ આઘાત સહન નહિં થતા તેમણે સાંજના સમયે ઝેરી દવા ગટગટાવી દીધી હતી.

જાણવાજોગ ફરિયાદ દાખલ કરવામાં આવી

આ પગલું ભર્યા બાદ તેમણે વડોદલા તાલુકા પોલીસમાં આ અંગેની જાણ કરી હોવાનું જાણવા મળી રહ્યું છે. આ ઘટના અંગે વડોદરા તાલુકા પોલીસ મથકમાં જાણવાજોગ ફરિયાદ દાખલ કરવામાં આવી છે. ફરિયાદ નોંધાયા બાદ આ મામલાની વધુ તપાસ વડોદરા તાલુકા પોલીસ મથકના હેડ કોન્સ્ટેબલ રણજીતસિંહ સુરેન્દ્રસિંહને સોંપવામાં આવી છે. આ મામલે પોલીસ તપાસમાં શું સામે આવે છે, તેના પર સૌ કોઇની નજર રહેશે.

આ પણ વાંચો --- VADODARA : રીલ લાઇક કરતા પરિણીતાની યુવક જોડે મિત્રતા થઇ, ચાકુની અણીએ દુષ્કર્મ