Vadodara ના મ્યુનિસિપલ કમિશનરનો અનોખો અંદાજ, જમીન પર બેસીને માણ્યો યુવા કલાકારોની સંગીત મહેફિલનો આનંદ

યુવા કલાકારોની કલાને મનભરીને માણી હતી

આ કાર્યક્રમની જાણ થતા જ મ્યુનિસિપલ કમિશનર અરૂણ મહેશ બાબુ અચાનક ત્યાં પહોંચી ગયા હતા. કોઈ પણ પ્રકારના પ્રોટોકોલ કે વીઆઈપી અભિગમ રાખ્યા વગર, તેઓ એક સામાન્ય નાગરિકની જેમ ત્યાં ઉપસ્થિત અન્ય લોકોની સાથે જમીન પર બેસી ગયા હતા.

આટલા ઉચ્ચ હોદ્દા પર હોવા છતાં, કમિશનરનો આ સાદગી ભર્યો અંદાજ જોઈને ત્યાં હાજર યુવા કલાકારો અને લોકો આશ્ચર્યચકિત થઈ ગયા હતા. કમિશનરે માત્ર સંગીત સાંભળ્યું જ નહીં, પરંતુ યુવા કલાકારોની કલાને મનભરીને માણી હતી.

અરૂણ મહેશ બાબુનો વીડિયો થયો વાયરલ

યુવા કલાકારોનું ઉત્સાહવર્ધન કરવા માટે તેમણે પોતાની પ્રતિક્રિયાઓ પણ આપી હતી, જેનાથી કલાકારોનો ઉત્સાહ અનેકગણો વધી ગયો હતો. આ આખો પ્રસંગ ત્યાં હાજર કોઈ વ્યક્તિએ પોતાના મોબાઇલમાં કેદ કરી લીધો હતો, જે બાદ આ વીડિયો સોશિયલ મીડિયા પર જોતજોતામાં વાયરલ થઈ ગયો છે. વડોદરાના લોકો આ વીડિયોને ખૂબ જ પસંદ કરી રહ્યા છે અને સોશિયલ મીડિયા પર કમિશનરની સાદગીના વખાણ કરી રહ્યા છે.

આ પણ વાંચો : Banaskantha Rain : પાલનપુરમાં માત્ર 8 મીમી વરસાદમાં જ હાઇવે બન્યું તળાવ, વાહનચાલકોના વાહનો પણ પાણીમાં બંધ પડયા!