Vadodara : મોડી રાત્રે 10 થી વધુ રીક્ષા-ટેમ્પોમાં તોડફોડ, નુકશાનથી માલિક વ્યથિત
ગતરાત્રે વડોદરામાં ચોંકાવનારી ઘટના સામે આવી છે. જેમાં માંજલપુર જીઆઇડીસી રોડ પર સાઇડમાં પાર્ક કરેલા 10 થી વધુ રીક્ષા અને ટેમ્પોના કાચ એકસાથે તોડી નાંખવામાં આવ્યા હોવાનું સામે આવતા ચકચાર મચી જવા પામી છે. માલિક જ્યારે ધંધા-રોજગાર અર્થે જવા વાહન નજીક પહોંચ્યા ત્યારે તેમને આ વાતની જાણ થઇ હતી. આખરે આ મામલો મીડિયામાં ઉજાગર થતા હવે તેઓ ન્યાયની માંગણી કરી રહ્યા છે.
Advertisement
- માંજલપુર જીઆઇડીસીમાં મોટી ઘટના સામે આવી
- મોડી રાત્રે અજાણ્યા શખ્સે પાર્ક કરેલા રીક્ષા-ટેમ્પોમાં તોડફોડ મચાવી
- વહેલી સવારે ધંધા અર્થે ચાલકો નીકળવા જતા ઘટનાની જાણ થઇ
Vadodara : વડોદરા (Vadodara) ના માંજલપુર જીઆઇડીસી રોડ પર એક ચોંકાવનારી ઘટના સામે આવી છે. માંજલપુરમાં રસ્તા પર રીક્ષા-ટેમ્પો પાર્ક કરીને રાત્રે ગયેલા ચાલકોને સવારે મોટું નુકશાન (Rikshaw - Tempo Glass Broke - Vadodara) પહોંચ્યું હોવાનું સામે આવ્યું છે. અજાણ્યા શખ્સ દ્વારા એક સાથે અનેક રીક્ષાના કાચ તોડી નાંખવામાં આવ્યા છે. જેને પગલે રીક્ષા-ટેમ્પોના માલિકોની મુશ્કેલી વધી છે. મોટા ભાગના વાહન માલિકોનું કહેવું છે કે, તેમની કોઇના જોડે દુશ્મની નથી. છતાં આ પ્રકારનું કૃત્ય કરવામાં આવ્યું છે. જેને પગલે હવે તેઓ વહીવટી તંત્ર પાસેથી ન્યાયની આશા રાખી રહ્યા છે.
