VADODARA : અકસ્માતમાં ઘાયલ વ્યક્તિને બચાવી પોણા ત્રણ લાખના દાગીના પરત કરાયા

પ્રાથમિક સારવાર આપી હોસ્પિટલ ખસેડ્યા

સમા લોકેશન પરથી ફરજ પર હાજર ૧૦૮ની ટીમ તાત્કાલિક ઘટનાસ્થળે પહોંચી હતી. ઈએમટી ગંગાબેન બારિયા અને પાઇલોટ ઇસ્માઈલભાઈ દુધવાલા દ્વારા તરતજ ઘાયલને પ્રાથમિક સારવાર અપાઈ અને તેમની ગંભીર અવસ્થાને જોતા તેમને તરત એસએસજી હોસ્પિટલ (SSG HOSPITAL) ખસેડવામાં આવ્યા હતી.

ઇજાગ્રસ્તના નાના ભાઇનો સંપર્ક કર્યો

દર્દીની પાસે અંદાજે રૂ. ૨.૭૫ લાખની કિંમતના દાગીના હતા. જેમાં હાર, પેન્ડલ, કાનની બુટ્ટીઓ ઉપરાંત એક મોબાઇલ ફોન મળી આવ્યો હતો. ૧૦૮ની ટીમે આ તમામ કિંમતી માલમત્તાને સંપૂર્ણ સુરક્ષિત રીતે સંભાળીને તેમના નાના ભાઈ રાકેશભાઈનો સંપર્ક કર્યો અને તેમને એસએસજી હોસ્પિટલ ખાતે બોલાવ્યા હતા.

પોલીસની હાજરીમાં મુદ્દામાલની સોંપણી કરવામાં આવી

પોલીસની હાજરીમાં દર્દીની માલમત્તાની સોંપણી તેમના પરિવારજનોને કરવામાં આવી હતી. ૧૦૮ની ટીમે ઘાયલ બાઇકસવારને જીવ બચાવવાનું કાર્ય જ નહીં પણ, તેમનો કિંમતી માલસામાન પરત કરી પ્રમાણિક્તાનું પ્રેરક ઉદાહરણ પૂરૂ પાડ્યું હતું.

આ પણ વાંચો --- VADODARA : જિલ્લાના 55 ગામો સુધી સરકારના 17 વિભાગોની યોજનાઓ પહોંચાડવાની નેમ