Vadodara ગ્રામ્ય LCB એ ગોરજ નજીકથી ઝડપ્યું વિદેશી દારૂનું કન્ટેનર, રૂ.1.78 કરોડનો મુદ્દામાલ જપ્ત

પોલીસને બાતમી મળતા કરાઈ કાર્યવાહી

વડોદરા ગ્રામ્ય LCB ટીમના પોલીસ ઇન્સ્પેક્ટર અને ટીમ મોહરમ તહેવાર નિમિત્તે વલણ પોલીસ સ્ટેશન વિસ્તારમાં પેટ્રોલિંગમાં હતી. આ દરમિયાન LCB ટીમના કોન્સ્ટેબલને ચોક્કસ બાતમી મળી હતી કે એક કન્ટેનરમાં ભારતીય બનાવટનો વિદેશી દારૂનો જથ્થો ભરીને ભરૂચ તરફથી પાલેજ થઈ નારેશ્વર તરફ જઈ રહ્યો છે.

તે દરમિયાન પોલીસ વોચમાં હતી અને કન્ટેનર નીકળ્યું તો તેને રોકીને ચેકિંગ કરવામાં આવ્યું હતુ અને આ ચેકિંગ દરમિયાન દારૂનો જથ્થો મળી આવ્યો હતો.

ગોરજ પાસે 1750 પેટી ઇંગ્લિશ દારૂ ભરેલું કન્ટેનર ઝડપાયું

બાતમી વાળું કન્ટેનર આવતા જ પોલીસે તેને કોર્ડન કરીને ઝડપી પાડ્યું હતું. કન્ટેનરની તપાસ કરતા તેમાંથી ડ્રાઈવર એકલો જ મળી આવ્યો હતો. આરોપી દાનિશખાન મોબીનખાન જાતે ખાન (પઠાણ) (રહે. ઉમરખા ગામ, થાણા અખંડ નગર, તા.કાદિપુર, જી.સુલતાનપુર -UP)નો રહેવાસી હોવાનું સામે આવ્યું છે.

દારૂનો જથ્થો ભરી આપનાર ધર્મેન્દ્ર નામના ઇસમ વિરૂદ્ધ વલણ પોલીસ સ્ટેશનમાં પ્રોહિબિશનનો ગુનો નોંધી આગળની કાયદેસરની કાર્યવાહી હાથ ધરી છે.

આ પણ વાંચો : Headline 12 PM : વાંચો સવારના 7 થી બપોરના 12 વાગ્યા સુધીના મહત્વના સમાચાર એક કિલક પર