Valsad: પીઠા ગામે ખનીજ વિભાગ ત્રાટક્યું, રૂ. 70 લાખનો મુદ્દામાલ જપ્ત

Valsad Illegal Mining Pitha Raid: વલસાડ (Valsad) જિલ્લાના પીઠા ગામે (Pitha Village) લાંબા સમયથી ચાલી રહેલી ગેરકાયદે પ્રવૃત્તિઓ પર આખરે સરકારી તંત્રના બાનમાં આવી છે. સ્થાનિક સ્તરે મોટા પાયે ચાલતા ગેરકાયદે માટી ખનન (Illegal Soil Mining) અંગે ખાણ ખનીજ વિભાગને (Mines and Minerals Department) ચોક્કસ અને ગુપ્ત બાતમી મળી હતી. આ બાતમીના આધારે વહીવટી અધિકારીઓની એક વિશેષ ટીમે પીઠા ગામે ઓપરેશન (Special Operation) હાથ ધરીને દરોડા પાડ્યા હતા.

કાર્યવાહીથી ભૂમાફિયાઓમાં ફફડાટ

ખાણ ખનીજ વિભાગની અચાનક થયેલી આ કાર્યવાહીથી સમગ્ર વિસ્તારના ભૂમાફિયાઓમાં (Land Mafia) ભારે ફફડાટ અને દોડધામ મચી ગઈ હતી. દરોડા દરમિયાન અધિકારીઓએ ઘટનાસ્થળેથી ગેરકાયદે ખનન પ્રવૃત્તિમાં સામેલ 2  ભારે ટ્રક, 1 ટ્રેક્ટર અને 1 જેસીબી (JCB) મશીન સહિત અંદાજે રૂ. 70 લાખની કિંમતનો મોટો મુદ્દામાલ કબ્જે (Property Seized) કર્યો છે. વહીવટી તંત્ર દ્વારા તમામ વાહનોને સીલ કરીને આગળની કાયદેસરની કાર્યવાહી શરૂ કરવામાં આવી છે.

સ્થાનિક રાજકીય આલમમાં પણ ગરમાવો

આ સમગ્ર દરોડાની કવાયતમાં સૌથી મોટો વળાંક ત્યારે આવ્યો જ્યારે સ્થાનિક રાજકારણ સાથે જોડાયેલા એક વગદાર નામનો ખુલાસો થયો. પીઠા ગામના વર્તમાન સરપંચ વિનોદ આહિરના સગા ભાઈ સુનિલ આહિર (Sunil Ahir) સામે આ ગેરકાયદે માટી ખનન ચલાવવાનો સીધો આક્ષેપ લગાવવામાં આવ્યો છે. સરપંચના પરિવારજનનું નામ આ કૌભાંડમાં (Mining Scam) બહાર આવતા જ સ્થાનિક રાજકીય આલમમાં પણ ગરમાવો આવી ગયો છે.

આ પણ વાંચો: Bhavnagar News: દીકરી પર થતો અત્યાચાર રોકવા જતાં જમાઈએ સસરાને પતાવી દીધા, કાળજું કંપાવતી ઘટના