Vikram Misri : ડેપ્યુટી NSA વિક્રમ મિસરી બન્યા નવા વિદેશ સચિવ, કેન્દ્ર સરકારે જાહેર કર્યો નિર્દેશ...

કેન્દ્ર સરકારે દેશના નાયબ રાષ્ટ્રીય સુરક્ષા સલાહકાર (ડેપ્યુટી NSA) વિક્રમ મિસરી (Vikram Misri)ને આગામી વિદેશ સચિવ તરીકે નિયુક્ત કર્યા છે. તેઓ વર્તમાન વિદેશ સચિવ વિનય ક્વાત્રાનું સ્થાન લેશે. કેન્દ્ર સરકાર દ્વારા જારી કરાયેલા નિમણૂકના આદેશમાં કહેવામાં આવ્યું છે કે વિક્રમ મિસરી (Vikram Misri) 15 જુલાઈએ ચાર્જ સંભાળશે. તે જાણીતું છે કે વિક્રમ મિસરી (Vikram Misri) વર્ષ 1989 બેચના ભારતીય વિદેશ સેવા (IFS) અધિકારી છે.

કર્મચારી મંત્રાલયે આદેશ જારી કર્યો છે...

કર્મચારી મંત્રાલયે તેના આદેશમાં કહ્યું કે કેબિનેટની નિમણૂક સમિતિએ રાષ્ટ્રીય સુરક્ષા પરિષદ સચિવાલયમાં ડેપ્યુટી NSA મિસરીને 15 જુલાઈથી વિદેશ સચિવના પદ પર નિમણૂકને મંજૂરી આપી દીધી છે. વિનય ક્વાત્રાના સ્થાને મિસરીની નિમણૂક કરવામાં આવશે તેવું જાણવા મળે છે. અગાઉ ક્વાત્રાને આ વર્ષે માર્ચમાં છ મહિનાનું સર્વિસ એક્સટેન્શન મળ્યું હતું.

બેઇજિંગમાં પણ સેવા આપી છે...

જાન્યુઆરી 2022 માં રાષ્ટ્રીય સુરક્ષા પરિષદ સચિવાલયમાં નાયબ રાષ્ટ્રીય સુરક્ષા સલાહકાર તરીકે તેમની નિમણૂક પહેલા, તેઓ બેઇજિંગમાં રાજદૂત તરીકે સેવા આપતા હતા. તે જાણીતું છે કે મિસરી પૂર્વ PM ઈન્દર કુમાર ગુજરાલ, મનમોહન સિંહ અને વર્તમાન PM નરેન્દ્ર મોદીના ખાનગી સચિવ તરીકે પણ કામ કરી ચૂક્યા છે.

આ પણ વાંચો : Delhi NCR માં વરસાદે તોડ્યો 88 વર્ષનો રેકોર્ડ, જાણો હવામન વિભાગે શું કહ્યું…

આ પણ વાંચો : Hindu Religion : આ રાજ્યમાં એક સાથે 30 મુસ્લિમોએ અપનાવ્યો હિંદુ ધર્મ, 14 મહિલાઓ સામેલ…

આ પણ વાંચો : NEET પર હોબાળા વચ્ચે રાજ્યસભામાં ચક્કર ખાઈ પડ્યા કોંગ્રેસ સાંસદ, હોસ્પિટલ કરાયા દાખલ…