WEF 2026 Completed : દાવોસથી દુનિયા સુધી ગુંજ્યો ગુજરાતનો અવાજ : રોકાણ માટે ગુજરાત મજબૂત દાવેદાર
- WEF 2026 Completed : વૈશ્વિક રોકાણકારોના વિશ્વાસના પ્રતીક તરીકે ગુજરાત અગ્રેસર
- દાવોસમાં ગુજરાતનો ડંકો : વિશ્વાસ, વિકાસ અને વૈશ્વિક ભાગીદારીનું નવું સરનામું
- નાયબ મુખ્યમંત્રી હર્ષભાઈ સંઘવીના નેતૃત્વમાં 58થી વધુ ઉચ્ચ સ્તરીય બેઠકો દ્વારા વૈશ્વિક રોકાણકારો સાથે ગુજરાતના અતૂટ વિશ્વાસનું જોડાણ
- ભારતને આર્થિક મહાસત્તા બનાવવાના મિશનમાં ગુજરાત હવે એક મજબૂત સારથિ બનીને સમગ્ર વિશ્વને આવકારવા સજ્જ
WEF 2026 Completed : સ્વિટ્ઝર્લેન્ડના દાવોસ (Davos) ખાતે તા.19 થી 23 જાન્યુઆરી દરમિયાન વર્લ્ડ ઇકોનોમિક ફોરમની (World Economic Forum) વાર્ષિક બેઠક યોજાઈ હતી. આ બેઠકમાં નાયબ મુખ્યમંત્રી હર્ષભાઈ સંઘવીના (DYCM HarshBhai Sanghvi) નેતૃત્વમાં ગુજરાતના ઉચ્ચ સ્તરીય પ્રતિનિધિમંડળે વિશ્વભરના અગ્રણી ચેરપર્સન, CEO, રોકાણકારો અને બહુપક્ષીય સંસ્થાઓ સાથે 58થી વધુ મહત્વપૂર્ણ બેઠકો યોજી હતી. આ બેઠકો થકી વિવિધ ક્ષેત્રોમાં રોકાણ માટે ભારતના સૌથી વિશ્વસનીય અને પ્રગતિશીલ રાજ્ય તરીકે ગુજરાતે પોતાનું સ્થાન વધુ મજબૂત કર્યું છે.
વિશ્વના રોકાણકારોને ઉત્તમ વાતાવરણ પુરૂ પાડવાની ખાતરી
આ પાંચ દિવસીય વૈશ્વિક મંચ દરમિયાન, ગુજરાતે મજબૂત ઔદ્યોગિક પાયો, આધુનિક ઈન્ફ્રાસ્ટ્રક્ચર અને નવીનતા આધારિત આર્થિક વિકાસનું વિઝન રજૂ કર્યું હતું. પ્રતિનિધિમંડળે ઉદ્યોગ જગતના માંધાતાઓ સાથે ચર્ચા કરતા જણાવ્યું હતું કે, ગુજરાત નેક્સ્ટ જનરેશન ઉદ્યોગો, એડવાન્સ મેન્યુફેક્ચરિંગ, ડિજિટલ ટ્રાન્સફોર્મેશન, ક્લીન એનર્જી અને ફ્યુચર ટેક્નોલોજી માટે સંપૂર્ણ સજ્જ છે.
ગુજરાતે પોતાની પરંપરાગત ઔદ્યોગિક શક્તિની સાથે સાથે બદલાતા સમય સાથે કદમ મિલાવવાની તૈયારીઓ પણ વિશ્વ સમક્ષ મૂકી છે. ગુજરાતે દુનિયાને જણાવ્યું કે, અમે માત્ર વેપારમાં જ નહીં, પણ રમતગમત ક્ષેત્રમાં પણ વિશ્વ કક્ષાનું માળખું ઊભું કરી રહ્યા છીએ. આપણા યુવાનો અને સ્પોર્ટ્સ ઈન્ફ્રાસ્ટ્રક્ચર માટેનું આ વિઝન રોકાણકારો માટે આકર્ષણનું કેન્દ્ર બન્યું હતું.
Gujarat is open for business: Your vision, our support!#GujaratAtDavos #WEF2026 #GujaratGoesGlobal pic.twitter.com/v2iVEd94uL
— Harsh Sanghavi (@sanghaviharsh) January 23, 2026
વિશ્વના રોકાણકારો માટે ગુજરાત આકર્ષણ
ગુજરાતે આ વૈશ્વિક મંચ પર સાબિત કર્યું છે કે, "અમે માત્ર ઉદ્યોગલક્ષી જ નહીં, પણ રોકાણકારો માટે સુરક્ષિત અને અમલીકરણમાં પણ ઝડપી છીએ." વૈશ્વિક કક્ષાએ પણ ગુજરાતના ગવર્નન્સ મોડલ અને 'ઈઝ ઓફ ડૂઈંગ બિઝનેસ' પ્રત્યે એક અતૂટ વિશ્વાસ જોવા મળ્યો છે. રાજ્યની નીતિઓમાં રહેલી સ્થિરતા અને દીર્ઘકાલીન આયોજન એ વિશ્વના રોકાણકારો માટે સૌથી મોટું આકર્ષણ બન્યું છે.
ગુજરાતે ખૂબ જ સુંદર રીતે પોતાની છબી રજૂ કરી છે. ગુજરાતની સ્પર્ધા માત્ર આગળ વધવા માટે નથી, પણ અન્ય રાજ્યો સાથે મળીને ભારતની આર્થિક વ્યવસ્થાને મજબૂત કરવા માટેની છે. આ 'કોમ્પિટિટિવ છતાં કોલાબોરેટિવ' અભિગમ એ ગુજરાતની સાચી ઓળખ છે.
ગુજરાત વૈશ્વિક રોકાણકારોની પ્રથમ પસંદ
ગુજરાતની આર્થિક સફર એ માત્ર આંકડાઓની રમત નથી, પણ એક દૂરંદેશી નેતૃત્વ દ્વારા કંડારાયેલો સફળતાનો માર્ગ છે. આજે જ્યારે વિશ્વ ગુજરાત તરફ આશાભરી નજરે જોઈ રહ્યું છે, ત્યારે તેની પાછળ વર્ષોની તપસ્યા અને દ્રઢ સંકલ્પ રહેલો છે. જ્યારે વડાપ્રધાન નરેન્દ્રભાઈ મોદી ગુજરાતના મુખ્યમંત્રી હતા, ત્યારે તેમણે રાજ્યના વિકાસને એક નવી દિશા આપી હતી. 'વાઈબ્રન્ટ ગુજરાત' જેવા અભિગમો દ્વારા તેમણે ગુજરાતમાં પરિવર્તનલક્ષી વિકાસનો એવો પાયો નાખ્યો, જેણે ગુજરાતને વૈશ્વિક રોકાણકારો માટેનું પહેલું પસંદગીનું સ્થળ બનાવ્યું છે.
ગુજરાતમાં રોકાણ કરવું એ માત્ર આર્થિક નિર્ણય નથી, પણ ઉજ્જવળ ભવિષ્યની ગેરંટી છે. અડગ અને સ્પષ્ટ સરકારી નીતિઓ, મહેનતુ અને બૌદ્ધિક રીતે સજ્જ યુવા શક્તિ, પારદર્શક વહીવટ અને ભરોસાપાત્ર સરકારી તંત્ર તથા ફ્યુચર-રેડી ઈકોસિસ્ટમ આ પાંચ મહત્વની શક્તિઓ ગુજરાતે વૈશ્વિક મંચ પર રજૂ કરી હતી.
Live: A conversation with ANI. #GujaratGoesGlobal #GujaratAtDavos https://t.co/zpt1KuBXoy
— Harsh Sanghavi (@sanghaviharsh) January 23, 2026
દાવોસના મંચ પરથી ગુજરાતે વિશ્વને અપાવ્યો અતૂટ વિશ્વાસ
દાવોસના મંચ પરથી ગુજરાતે વિશ્વને એક અતૂટ ભરોસો આપ્યો છે. વૈશ્વિક મંચ પરથી ગુજરાત માત્ર સમજૂતીઓ લઈને નહીં, પણ નવા મજબૂત સંબંધો અને અતૂટ વૈશ્વિક વિશ્વાસ લઈને પરત ફરી રહ્યું છે.
WEF 2026 Completed
WEF 2026 ના સફળ સમાપન સાથે ગુજરાત આજે વિશ્વના નકશા પર એક એવા આર્થિક શિખર તરીકે ઉભરી આવ્યું છે, જ્યાં અતૂટ વિશ્વાસ અને અપાર તકોનો સંગમ થાય છે. દાવોસથી મજબૂત વૈશ્વિક સંબંધોની મૂડી લઈને પરત ફરતું ગુજરાત હવે 'વિકસિત ગુજરાત @ 2047' ના વિઝન સાથે નવી ઊંચાઈઓ સર કરવા સજ્જ છે.
ગુજરાત દુનિયાભરના રોકાણકારો માટે ભરોસાનું સરનામું બન્યું છે. ભારતને વૈશ્વિક આર્થિક મહાસત્તા બનાવવાના મિશનમાં ગુજરાત હવે એક મજબૂત સારથિ બનીને સમગ્ર વિશ્વને આવકારવા સજ્જ છે.