Imani Dia Smith: નાની ઉંમરે સ્ટાર બનનાર ઈમાની સ્મિથ સાથે શું થયું?, જાણો

•  Imani Dia Smith: 'ધ લાયન કિંગ' ફેમ ઈમાની સ્મિથનું 25 વર્ષે નિધન
• ન્યૂ જર્સીના ઘરેથી ગંભીર હાલતમાં મળી આવી
• 35 વર્ષીય બોયફ્રેન્ડ પર હત્યાનો ગંભીર આરોપ

Imani Dia Smith Murder Case: વિશ્વ વિખ્યાત 'ધ લાયન કિંગ' ના બ્રોડવે વર્ઝનમાં યુવાન નાલાનું પાત્ર ભજવનાર બાળ અભિનેત્રી ઈમાની ડીઆ સ્મિથ (Imani Dia Smith) નું 25 વર્ષની ઉંમરે દુઃખદ અવસાન થયું છે. આ સમાચાર માત્ર તેના પરિવાર માટે જ નહીં પરંતુ થિયેટર અને મનોરંજન ઉદ્યોગ માટે પણ આઘાતજનક છે.

Imani Dia Smith ગંભીર હાલતમાં ઘરમાંથી મળી હતી

પોલીસના જણાવ્યા અનુસાર 21 ડિસેમ્બરના રોજ ન્યૂ જર્સીના એડિસનમાં ઈમાની ડીઆ સ્મિથ તેના ઘરમાં ગંભીર છરાના ઘા મારી હાલતમાં મળી આવી હતી. પરિચિતો દ્વારા જાણ કરવામાં આવ્યા બાદ પોલીસ ઘટનાસ્થળે પહોંચી હતી અને તાત્કાલિક તેને નજીકની હોસ્પિટલમાં લઈ ગઈ હતી. જોકે, તપાસ બાદ ડોક્ટરોએ મૃત જાહેર કરી હતી. નાતાલ પહેલા બનેલી આ ઘટનાએ સમગ્ર વિસ્તારને હચમચાવી નાખ્યો છે.

બોયફ્રેન્ડ (Boyfriend) પર હત્યાનો આરોપ

તપાસ દરમિયાન પોલીસે ઈમાનીના 35 વર્ષીય બોયફ્રેન્ડ જોર્ડન ડી. જેક્સન સ્મોલ (Jordan D. Jackson-Small) ની ધરપકડ કરી છે. તેના પર હત્યા કરવાનો આરોપ લાગ્યો છે. પોલીસનું કહેવું છે કે પ્રાથમિક પુરાવા અને સંજોગો તેના તરફ ઈશારો કરે છે. તપાસ ચાલુ છે, અને અધિકારીઓ ઘટનાના દરેક પાસાની તપાસ કરી રહ્યા છે. મીડિયા અહેવાલો અનુસાર ઈમાની પોતાની પાછળ ત્રણ વર્ષનો પુત્ર છોડીને મોતને ભેટી છે. આ ઉપરાંત, તેના માતા-પિતા, ભાઈ-બહેનો અને એક મોટો પરિવાર આ દુર્ઘટનાથી ખૂબ જ દુઃખી છે.

બાળપણમાં બ્રોડવે સ્ટાર (Broadway Star) બની ગઈ હતી

ઈમાની ડીઆ સ્મિથે ખૂબ જ નાની ઉંમરે બ્રોડવે પર ડેબ્યૂ કર્યું હતું. બ્રોડવે પ્રોડક્શન 'ધ લાયન કિંગ' માં યુવાન નાલાની ભૂમિકા ભજવીને તેણે પોતાની પ્રતિભા સાબિત કરી હતી. તેણે અવાજ અભિનય અને સ્ટેજ હાજરીએ તેને ખરા અર્થમાં ટ્રિપલ થ્રેટ કલાકાર તરીકે સ્થાપિત કરી હતી. આ ભૂમિકા માત્ર એક પાત્ર નહોતી, પરંતુ તેના ઉજ્જવળ ભવિષ્યની ઝલક હતી.

આ પણ વાંચોઃ Bangladesh violence: 2025 માં અત્યાર સુધીમાં 184 લોકો માર્યા ગયા!