ટ્રકો પાછળ કેમ લખેલું હોય છે OK TATA....?

• ટ્રકો પાછળ કેમ લખેલું હોય છે OK TATA....?
• ટાટા ગ્રુપ દ્વારા ઉત્પાદિત ટ્રકો પર જ OK TATA લખવામાં આવે છે
• તે દર્શાવે છે કે વાહનનું ઉત્પાદન અને સમારકામ ટાટા મોટર્સના ધોરણો અનુસાર કરવામાં આવ્યું છે
• આ ટ્રકો દ્વારા સમગ્ર દેશમાં લોકપ્રિય બની હતી
• ટાટા મોટર્સ આજે દેશની ટોચની ઓટોમોબાઈલ કંપની

OK TATA : તમે ટ્રકની પાછળ બે શબ્દો અચૂક જોયા હશે. આ એવા શબ્દો છે જે ટ્રક પર નેમ પ્લેટ નંબર કરતા મોટા અક્ષરોમાં લખેલા જોવા મળે છે. આ શબ્દો છે OK TATA...મોટાભાગના લોકો તેનો અર્થ જાણતા નથી. કેટલાક કહે છે કે આ બે શબ્દો ટ્રકની ઓળખ બતાવે છે, પરંતુ એવું નથી. તેનું કનેક્શન રતન ટાટા સાથે છે.

ટ્રક પર આવું કેમ લખવામાં આવે છે?

આનો જવાબ ટાટા ગ્રુપ તરફથી મળે છે, જે ટુ-વ્હીલર અને ફોર-વ્હીલર તેમજ ટ્રકના ઉત્પાદન માટે જાણીતું છે. પરંતુ સવાલ એ થાય છે કે જ્યારે ટુ-વ્હીલર અને ફોર વ્હીલર પર ઓકે ટાટા લખેલું જોવા મળતું નથી, તો પછી ટ્રક પર આવું કેમ લખવામાં આવે છે?

આ પણ વાંચો---Ratam Tata : જો ભારત-ચીન યુદ્ધ ન થયું હોત તો ટાટાના લગ્ન થયા હોત

ટાટા ગ્રુપ દ્વારા ઉત્પાદિત ટ્રકો પર જ OK TATA લખવામાં આવે છે

પહેલી વાત તો એ છે કે ટાટા ગ્રુપ દ્વારા ઉત્પાદિત ટ્રકો પર જ OK TATA લખવામાં આવે છે. બીજું, જો વાહન પર OK Tata લખેલું હોય, તો તેનો અર્થ એ છે કે તેનું પરીક્ષણ કરવામાં આવ્યું છે અને તે વધુ સારી સ્થિતિમાં છે. તેનો ઉપયોગ એટલા માટે પણ થાય છે કારણ કે તે દર્શાવે છે કે વાહનનું ઉત્પાદન અને સમારકામ ટાટા મોટર્સના ધોરણો અનુસાર કરવામાં આવ્યું છે. આ વાહનોની વોરંટી માત્ર ટાટા પાસે છે, આ લાઇન પણ તેની પુષ્ટિ કરે છે.

આ શબ્દો બ્રાન્ડિંગ હથિયાર કેવી રીતે બન્યા?

OK TATA...ભલે કંપનીએ પોતાની પોલિસી માટે આ બે શબ્દો બનાવ્યા અને ટ્રકો પર લખ્યા, પણ ધીરે ધીરે તે એક બ્રાન્ડિંગ હથિયાર બની ગયા. આ ટ્રકો દ્વારા સમગ્ર દેશમાં લોકપ્રિય બની હતી. આજે પણ જો તમે કોઈને OK TATA કહેશો તો તે સમજી જશે કે આ શબ્દ ક્યાં સૌથી વધુ લખાયેલો જોવા મળે છે.

આ પણ વાંચો---Ratan Tata એ ફોર્ડ મોટરના માલિકને બતાવી દીધી હતી ઔકાત....

ટાટા મોટર્સ આજે દેશની ટોચની ઓટોમોબાઈલ કંપની

ટ્રકનું ઉત્પાદન કરતી ટાટા મોટર્સ આજે દેશની ટોચની ઓટોમોબાઈલ કંપની છે. આઝાદી પહેલા 1954માં ટાટા એન્જિનિયરિંગ એન્ડ લોકોમોટિવ કંપની (TELCO) તરીકે તેની શરૂઆત કરવામાં આવી હતી. બાદમાં તેનું નામ બદલીને ટાટા મોટર્સ કરવામાં આવ્યું. તે સમયે આ કંપની ટ્રેનના એન્જિન બનાવતી હતી. ત્યારે દ્વિતીય વિશ્વયુદ્ધ ચાલી રહ્યું હતું અને ટાટાએ ભારતીય સેનાને એક ટેન્ક આપી, જે ટાટાનગર ટેન્ક તરીકે જાણીતી હતી.

મર્સિડીઝ-બેન્ઝ સાથે ભાગીદારી કરી

થોડા સમય પછી, ટાટાએ ઓટોમોબાઈલ ઉદ્યોગમાં પ્રવેશ કર્યો. મર્સિડીઝ-બેન્ઝ સાથે ભાગીદારી કરી અને 1954માં કોમર્શિયલ વાહનો લોન્ચ કર્યા. 1991 માં, કંપનીએ પેસેન્જર વાહનોના ક્ષેત્રમાં પ્રવેશ કર્યો અને પ્રથમ સ્વદેશી વાહન ટાટા સિએરા લોન્ચ કર્યું. આ રીતે એક પછી એક વાહનો લોન્ચ કરીને ટાટાએ ઈતિહાસ રચ્યો અને દેશની ટોચની ઓટોમોબાઈલ કંપની બની ગઈ.

ટાટા સુમોએ ભારતીયોમાં એક ખાસ સ્થાન બનાવ્યું

આ પછી કંપનીએ ભારતીય બજારમાં ટાટા એસ્ટેટ અને ટાટા સુમો લોન્ચ કરી. ટાટા સુમોએ ભારતીયોમાં એક ખાસ સ્થાન બનાવ્યું છે. આ પછી, ટાટા ઇન્ડિકા જે ભારતીય બજારમાં આવી તે લોકપ્રિય થઈ. ટાટાની આ પ્રથમ ફેમિલી કાર 1998માં લોન્ચ કરવામાં આવી હતી, જેણે વેચાણમાં પણ રેકોર્ડ બનાવ્યો હતો. ટાટા ગ્રૂપને ઉંચાઈ પર લઈ જનાર રતન ટાટા હવે આપણી વચ્ચે નથી, પરંતુ તેમની સિદ્ધિઓ અને સંઘર્ષ હંમેશા ભારતીયોને પ્રેરણા આપશે.

આ પણ વાંચો---Ratan Tata ના અંતિમ સંસ્કાર પારસી રિવાજ મુજબ કેમ નહી કરાય..?