China-Pakistan moon mission : ચીનના ખભા પર બેસીને પાકિસ્તાન ચંદ્ર પર પહોંચશે

• ચંદ્રના દક્ષિણ ધ્રુવ પર નવી શોધ માટેના ચીનના મિશનમાં પાકિસ્તાન જોડાયું
• પાકિસ્તાનનું સ્વદેશી રોવર ચાંગ'ઇ-8 મિશનમાં જોડાશે તેવા અહેવાલ છે
• પાકિસ્તાન ચીનના ચંદ્ર મિશનમાં સહયોગ કરશે

China-Pakistan moon mission : ભારતે ચંદ્ર પર ઇતિહાસ રચ્યા બાદ હવે પાકિસ્તાન પણ નવા સપના જોઈ રહ્યું છે. હવે પાકિસ્તાન ફરીથી ચંદ્ર પર પહોંચવા માટે ચીનની મદદ લઈ રહ્યું હોય તેવું લાગે છે. ચંદ્ર મિશનમાં ઇસ્લામાબાદની પહેલી મોટી ભાગીદારીમાં, પાકિસ્તાન અવકાશ એજન્સી SUPARCO એ 2028 માં ચીનના આગામી ચાંગ'ઇ-8 ચંદ્ર મિશન સાથે હાથ મિલાવ્યા છે.

પાકિસ્તાન ચીનના ચંદ્ર મિશનમાં સહયોગ કરશે

સ્પેસ એન્ડ અપર એટમોસ્ફિયર રિસર્ચ કમિશન (SUPARCO) દ્વારા બનાવવામાં આવેલ એક સ્વદેશી રોવર ચાંગ'ઇ-8 મિશનમાં જોડાશે, જે મોટા ઇન્ટરનેશનલ લુનર રિસર્ચ સ્ટેશન (ILRS) પ્રોજેક્ટનો ભાગ છે. પાકિસ્તાન ઓબ્ઝર્વરના અહેવાલ મુજબ, ચીનના ચંદ્ર મિશનમાં પાકિસ્તાનના સહયોગનો હેતુ ચંદ્ર પર વૈજ્ઞાનિક સંશોધનમાં, ખાસ કરીને તેના દક્ષિણ ધ્રુવના અભ્યાસમાં યોગદાન આપવાનો છે.

Chang'e-8 ચંદ્રના નમૂનાઓનું પરીક્ષણ કરશે

નાસાના જણાવ્યા પ્રમાણે, ચાંગ'ઇ-8ને ચંદ્ર વિજ્ઞાન આધાર બનાવવા માટે જરૂરી ટેકનિકોનું પરીક્ષણ કરવા માટે ડિઝાઇન કરવામાં આવ્યું છે. આ મિશન પૃથ્વીનું નિરીક્ષણ કરશે, ચંદ્રના નમૂનાઓનું વિશ્લેષણ કરશે અને ચંદ્રના વાતાવરણમાં ઇકોસિસ્ટમને ટકાવી રાખવા માટે સંસાધન ઉપયોગ ટેકનિકનું પરીક્ષણ કરશે.

પાકિસ્તાની રોવર ચીનને મદદ કરશે

પાકિસ્તાની મીડિયા પ્રમાણે, SUPARCO ચંદ્રના દક્ષિણ ધ્રુવનું અન્વેષણ કરવા માટે રચાયેલ 35 કિલોગ્રામના રોવર સાથે ચીની મિશનને મદદ કરશે. આ એક એવો વિસ્તાર છે જે તેના પડકારજનક ભૂપ્રદેશ અને સંભવિત વૈજ્ઞાનિક શોધો માટે જાણીતો છે. SUPARCO ના પ્રવક્તાએ જણાવ્યું હતું કે પાકિસ્તાની રોવર ચંદ્રની સપાટીના સંશોધનને આગળ વધારવામાં મુખ્ય ભૂમિકા ભજવશે, જે ચીનના ચંદ્ર મિશનને સાથ આપશે. સાઉથ ચાઇના મોર્નિંગ પોસ્ટના અહેવાલ મુજબ, આ મિશન રસ ધરાવતા દેશો માટે 200 કિલોગ્રામ (440 પાઉન્ડ) ની પેલોડ ક્ષમતા પ્રદાન કરે છે. મિશનના ડેપ્યુટી ચીફ ડિઝાઇનર વાંગ કિઓંગે જણાવ્યું હતું કે, આ પેલોડ્સ લેન્ડર પર લગાવેલા સાધનો અથવા રોબોટ્સ, રોવર્સ અને ફ્લાઇટ વાહનો જેવી વસ્તુઓ હોઈ શકે છે જે લેન્ડિંગ પછી સ્વતંત્ર રીતે કાર્ય કરી શકે છે.

આ પણ વાંચો: Technology : સિમ વગર પણ મોબાઈલથી કોલિંગ શક્ય બનશે, સેટેલાઇટ નેટવર્ક પ્લાન છે શાનદાર