Cold in America: અમેરિકામાં ભારે ઠંડી, 1985 પછી પહેલી વાર US કેપિટલની અંદર રાષ્ટ્રપતિ શપથ લેશે
- નવા રાષ્ટ્રપતિ ડોનાલ્ડ ટ્રમ્પ સોમવારે શપથ લેવાની તૈયારી કરી રહ્યા છે
- શપથ ગ્રહણ સમારોહ તીવ્ર ઠંડીને કારણે બહારના બદલે યુએસ કેપિટલની અંદર થશે
- ડોનાલ્ડ ટ્રમ્પે તેમના સોશિયલ મીડિયા પ્લેટફોર્મ પર માહિતી આપી
USA: અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ સોમવારે શપથ લેવાની તૈયારી કરી રહ્યા છે. ટ્રમ્પે કહ્યું છે કે સોમવારે તેમનો શપથ ગ્રહણ સમારોહ તીવ્ર ઠંડીને કારણે બહારના બદલે યુએસ કેપિટલની અંદર થશે. અહેવાલો તેને તાજેતરના ઇતિહાસમાં સૌથી ઠંડા શપથ ગ્રહણ સમારોહમાંનો એક ગણાવી રહ્યા છે.
ટ્રમ્પે શુક્રવારે તેમના સોશિયલ મીડિયા પ્લેટફોર્મ પર કહ્યું....
ટ્રમ્પે શુક્રવારે તેમના સોશિયલ મીડિયા પ્લેટફોર્મ પર કહ્યું વોશિંગ્ટન, ડી.સી માટે હવામાનની આગાહી પ્રમાણે તાપમાન રેકોર્ડ બ્રેક સ્તરે પહોંચાડી શકે છે. દેશમાં આર્કટિક વાવાઝોડું ફૂંકાઈ રહ્યું છે. હું નથી ઇચ્છતો કે લોકો આનાથી પ્રભાવિત થાય. તેથી, પ્રાર્થના અને અન્ય ભાષણો ઉપરાંત, મેં ઉદ્ઘાટન ભાષણ યુનાઇટેડ સ્ટેટ્સ કેપિટલની અંદર આપવાનો આદેશ આપ્યો છે.
1985 માં પણ સમારોહ અંદર યોજાયો હતો
ટ્રમ્પે ઠંડીને કારણે છેલ્લી વખત શપથવિધિ અંદર યોજાઈ હતી તે વાતનો ઉલ્લેખ કરી જણાવ્યું કે 1985 માં પણ ભૂતપૂર્વ રિપબ્લિકન રાષ્ટ્રપતિ રોનાલ્ડ રીગનની બીજીશપથવિધિ યોજાઇ હતી. ટ્રમ્પે કહ્યું કે સમર્થકો કેપિટલ વન એરેનાની અંદર સ્ક્રીન પર સમારોહ જોઈ શકે છે. કેપિટલ વન એરેના એ વોશિંગ્ટન શહેરના મધ્યમાં સ્થિત એક રમતગમત સ્થળ છે જે 20,000 લોકો બેસી શકે છે.
ટ્રમ્પના શપથ ગ્રહણમાં મિશેલ ઓબામા હાજરી આપશે નહીં
એવું જાણવા મળ્યું છે કે અમેરિકાના ભૂતપૂર્વ ફર્સ્ટ લેડી મિશેલ ઓબામા ડોનાલ્ડ ટ્રમ્પના શપથ ગ્રહણ સમારોહમાં હાજરી આપશે નહીં. અમેરિકન ઇતિહાસમાં છેલ્લા 150 વર્ષમાં આ પહેલી વાર છે જ્યારે ભૂતપૂર્વ રાષ્ટ્રપતિ અને તેમના જીવનસાથી સમારોહમાં હાજરી આપી રહ્યા નથી. જોકે, મિશેલ ઓબામા શપથ ગ્રહણ સમારોહમાં કેમ હાજરી આપી રહ્યા નથી તે અંગે તેમના કાર્યાલયે કોઈ ચોક્કસ સ્પષ્ટતા આપી નથી. મિશેલ ઓબામાએ ભૂતપૂર્વ યુએસ રાષ્ટ્રપતિ જિમી કાર્ટરના અંતિમ સંસ્કારમાં પણ હાજરી આપી ન હતી, જેમાં બરાક ઓબામા ટ્રમ્પ સાથે વાત કરતા જોવા મળ્યા હતા, જેનો ફોટો પણ વાયરલ થઈ રહ્યો છે.
આ પણ વાંચો: USA માં મજાની નોકરી: લોકોના દુઃખ દૂર કરવા માટે મળશે લાખો રૂપિયા