Holi : હોળીના જીદ્દી રંગોથી પરેશાન? લગાવો આ જાદુઈ ઉબટન અને જુઓ ચમત્કાર!
- Holi પર દાદી-નાનીના જમાનાનો અકસીર નુસખું ત્વચાને આપશે નવું જીવન
- બેસન, હળદર અને દહીંનું મિશ્રણ કેમિકલ સામે બનશે રક્ષક કવચ
- સાબુના બદલે ઉબટનનો ઉપયોગ કરવાથી ત્વચા રહેશે કોમળ અને ગ્લોઈંગ
- રંગોના કારણે થતી બળતરા અને ડેડ સ્કીનથી મળશે કાયમી છુટકારો
- હોળી રમ્યા બાદ નવશેકા પાણી સાથે આ લેપ લગાવવાથી થશે જાદુઈ અસર
હોળી [Holi] એટલે રંગોનો તહેવાર, પરંતુ ઘણીવાર આ રંગો આપણી ત્વચા [Skin] માટે નુકસાનકારક સાબિત થાય છે. બજારમાં મળતા કેમિકલયુક્ત રંગો ત્વચામાં અંદર સુધી ઉતરી જાય છે અને સાબુથી ઘસવા છતાં નીકળતા નથી. આવા સમયે ભારતીય સંસ્કૃતિમાં પેઢીઓથી ચાલ્યું આવતું 'ઉબટન' [Ubtan] શ્રેષ્ઠ વિકલ્પ છે. તે માત્ર રંગો જ નથી દૂર કરતું, પરંતુ ત્વચાને ઊંડું પોષણ પણ આપે છે.
ઉબટન બનાવવાની રીત
આ કુદરતી ફેસ પેક [Natural Face Pack] બનાવવા માટે તમારે રસોડામાં હાજર વસ્તુઓનો જ ઉપયોગ કરવાનો છે.
સામગ્રી: 2 ચમચી બેસન [Gram Flour], અડધી ચમચી હળદર [Turmeric], જરૂર મુજબ દહીં અથવા કાચું દૂધ [Raw Milk], લીંબુનો રસ અને થોડું બદામ કે નારિયેળનું તેલ.
બનાવવાની પદ્ધતિ: એક બાઉલમાં બેસન ચાળી લો, તેમાં હળદર અને તેલ ઉમેરો. હવે દહીં કે દૂધ ઉમેરીને ઘટ્ટ પેસ્ટ તૈયાર કરો. જો ત્વચા સેન્સિટિવ હોય તો લીંબુનો ઉપયોગ ટાળવો. આ મિશ્રણને સ્મૂધ બનાવવા માટે ગુલાબજળ [Rose Water] પણ ઉમેરી શકાય છે.
લગાવવાની સાચી રીત
હોળી રમી લીધા પછી આ ઉબટનને ચહેરા અને આખા શરીર પર લગાવો. તેને લગભગ 15 મિનિટ સુધી રહેવા દો. જ્યારે તે 70% જેટલું સુકાઈ જાય, ત્યારે હળવા હાથે ગોળાકાર ગતિમાં મસાજ [Massage] કરતા કરતા તેને ઉખેડો. ત્યારબાદ નવશેકા પાણીથી સ્નાન કરી લો.
ત્વચા માટેના અદભૂત ફાયદા
ઉબટનમાં રહેલું દહીં ત્વચાને મોઇશ્ચરાઇઝ [Moisturize] કરે છે, જ્યારે હળદર રંગત નિખારે છે. બેસન એક કુદરતી સ્ક્રબ તરીકે કામ કરી ડેડ સ્કીન [Dead Skin] દૂર કરે છે. હોળી પછી ત્વચા પર આવતી ખંજવાળ કે બળતરામાં આ ઉબટન 'સૂધિંગ ઈફેક્ટ' આપે છે. દર 15 દિવસે આ પ્રયોગ કરવાથી ત્વચા હંમેશા હેલ્ધી અને ગ્લોઈંગ રહે છે.
આ પણ વાંચો : Micro Cheating : પાર્ટનર આ વાતો છુપાવે તો સંબંધમાં ગડબડના સંકેત !