આ પહેલાં SITના પ્રારંભિક રિપોર્ટમાં પણ ચંપત રાયને ક્લીનચિટ (Clean Chit) આપવામાં આવી હતી. જ્યારે અનિલ મિશ્રા સામે દાનની રકમની ગણતરી દરમિયાન દેખરેખમાં બેદરકારીનો ઉલ્લેખ થયો હતો, પરંતુ તેમને સીધા આરોપી બનાવવામાં આવ્યા ન હતા.

ફાઇનલ રિપોર્ટમાં માત્ર 8 આરોપીઓના નામ

સૂત્રોના દાવા પ્રમાણે, SITના અંતિમ અહેવાલમાં માત્ર એવા 8 લોકોના નામ સામેલ છે, જેમની આ કેસમાં અગાઉ જ ધરપકડ (Arrest) કરવામાં આવી ચૂકી છે. ચંપત રાય અને અનિલ મિશ્રાનું નામ આરોપીઓની યાદીમાં નથી. રિપોર્ટમાં દાનની ગણતરી (Donation Counting) દરમિયાન બેંક અને ટ્રસ્ટ તરફથી કરવામાં આવતી દેખરેખ તથા વ્યવસ્થામાં કેટલીક ખામીઓ અને ચૂકનો ઉલ્લેખ કરવામાં આવ્યો છે. આ બાબતો સામે આવ્યા બાદ મંદિર ટ્રસ્ટ અને વહીવટી તંત્ર દ્વારા વ્યવસ્થાને વધુ મજબૂત બનાવવાની પ્રક્રિયા શરૂ કરવામાં આવી હોવાનું જણાવાયું છે.

ઉત્તર પ્રદેશ ગૃહ વિભાગે ટ્રસ્ટને રિપોર્ટ સોંપ્યો

ઉત્તર પ્રદેશના ગૃહ વિભાગ (UP Home Department) દ્વારા SITનો ફાઇનલ રિપોર્ટ રામ મંદિર ટ્રસ્ટને સોંપવામાં આવ્યો છે. રિપોર્ટમાં ટ્રસ્ટના પૂર્વ મહાસચિવ ચંપત રાય અને પૂર્વ સભ્ય અનિલ મિશ્રાને આરોપી કે દોષિત ગણાવવામાં આવ્યા નથી. આ મામલાની તપાસ ચાલી રહી હતી ત્યારે બંનેએ 27 જૂને ટ્રસ્ટમાંથી રાજીનામું (Resignation) આપી દીધું હતું.

13 જૂને બની હતી પહેલી SIT

રામ મંદિરના દાનમાં અનિયમિતતા (Irregularities)ની તપાસ માટે ઉત્તર પ્રદેશના મુખ્યમંત્રી યોગી આદિત્યનાથના આદેશથી 13 જૂને પહેલી SITની રચના કરવામાં આવી હતી. આ SITની રચના ટ્રસ્ટની માંગ બાદ કરવામાં આવી હતી. SITની અધ્યક્ષતા લખનઉના ડિવિઝનલ કમિશનર વિજય વિશ્વાસ પંતે કરી હતી. તેમાં લખનઉ રેન્જના પોલીસ મહાનિરીક્ષક કિરણ એસ અને વિશેષ સચિવ (નાણા) નીલ રતન કુમાર પણ સભ્ય હતા.

આ ટીમે 23 જૂને સરકારને પ્રારંભિક રિપોર્ટ (Preliminary Report) સોંપ્યો હતો. ત્યારબાદ 25 જૂને અયોધ્યામાં FIR નોંધવામાં આવી હતી. હવે આ કેસની આગળની તપાસ સુપ્રીમ કોર્ટ (Supreme Court)ની દેખરેખ હેઠળ રચાયેલી બીજી SIT દ્વારા કરવામાં આવી રહી છે.

આ પણ વાંચો : Champat Rai Statement : અયોધ્યા ટ્રસ્ટની બેઠકમાં રાજીનામું મંજૂર થતા ચંપત રાયે આપી પ્રતિક્રિયા, જાણો પત્રમાં શું લખ્યું?