CM Yogi On Donation Theft: રામ મંદિર વિવાદમાં CM યોગી આકરા પાણીએ, ‘આરોપીઓને છોડવામાં નહીં આવે’

CM Yogi On Donation Theft: SIT રિપોર્ટ અને કડક કાર્યવાહી

સીએમ યોગીએ જણાવ્યું કે, રામ મંદિરમાં દાનમાં ચોરી મામલે એસઆઈટીની પ્રારંભિક રિપોર્ટ આવતા જ ત્વરિત પગલાં ભરવામાં આવ્યા છે. સરકારે પહેલા દિવસે જ વચન આપ્યું હતું કે, સત્ય સામે આવશે, અને હવે આઠ લોકોની ધરપકડ કરીને કાયદેસરની પ્રક્રિયા આગળ વધી રહી છે. મુખ્યમંત્રીએ સ્પષ્ટ કર્યું છે કે, રામભક્તોની આસ્થા સાથે ખિલવાડ કરનારા કોઈ પણ વ્યક્તિને છોડવામાં આવશે નહીં. જે લોકો આરોપ લગાવી રહ્યા છે તેમની પાસે જો કોઈ પ્રમાણ હોય તો તેમણે એસઆઈટી સમક્ષ રજૂ કરવા જોઈએ.

CM Yogi On Donation Theft: વિપક્ષી દળો પર આકરા પ્રહાર

મુખ્યમંત્રીએ સપા અને કોંગ્રેસ પર તીખા પ્રહાર કરતા કહ્યું કે, આ પક્ષોએ ઉત્તર પ્રદેશને માફિયાગિરી અને રમખાણોની ભેટ આપી હતી. વર્ષ 2016 માં મદનપુર પોલીસ સ્ટેશનમાં બનેલી ઘટનાનો ઉલ્લેખ કરીને તેમણે જણાવ્યું કે તત્કાલીન સરકારમાં કાયદો અને વ્યવસ્થાની કેવી સ્થિતિ હતી. તેમણે ઉમેર્યું કે આજે રાજ્યમાં કોઈ પણ તહેવાર પર હથિયારોનું પ્રદર્શન કે ગુંડાગીરી સહન કરવામાં આવશે નહીં. જો કોઈ અશાંતિ ફેલાવવાનો પ્રયાસ કરશે, તો તેને સાત પેઢી સુધી યાદ રહે તેવી સજા આપવામાં આવશે.

આસ્થા અને સુરક્ષા પ્રત્યે ઝીરો ટોલરન્સ

જન આસ્થા સાથે જોડાયેલા મુદ્દાઓ પર સીએમ યોગીનું વલણ હંમેશા કડક રહ્યું છે. તેમણે કહ્યું કે અમારી સરકાર અપરાધ, માફિયા અને આસ્થા સાથે ચેડા કરનારાઓ સામે ઝીરો ટોલરન્સની નીતિથી કામ કરી રહી છે. સીએમએ વિપક્ષી નેતાઓને શ્રીરામની મર્યાદાનું પાલન કરવાનું શીખવાની સલાહ આપી હતી. તેમણે ભારપૂર્વક કહ્યું કે અયોધ્યા સમગ્ર દેશની આસ્થાનું પ્રતીક છે અને તેની પવિત્રતા જાળવી રાખવી એ સર્વોચ્ચ પ્રાથમિકતા છે.

આ પણ વાંચો---  Ram Mandir Trust Resignation : અયોધ્યા રામ મંદિર ટ્રસ્ટમાં ભૂકંપ, ચંપત રાય અને અનિલ મિશ્રાએ આપ્યું રાજીનામું