Agra Murder Mystery: પત્નીની ક્રૂરતાની પરાકાષ્ઠા, પતિની હત્યા કરી બાથરૂમમાં દાટ્યો, 46 દિવસ સુધી પત્ની ત્યાં જ કરતી હતી સ્નાન
દેશમાં જાણે ક્રાઈમનો ગ્રાફ સતત ઊંચે જઈ રહ્યો છે. આગ્રાના સિકંદરા વિસ્તારમાં એક એવી ઘટના સામે આવી છે જેણે ફિલ્મ 'દ્રશ્યમ'ની વાર્તાને પણ ટક્કર આપી છે. પત્નીએ પોતાના પતિની ઠંડે કલેજે હત્યા કરી દીધી હોવાની ચોંકાવનારી ઘટના સામે આવી છે. એટલું જ નહીં પણ હત્યા પછી પત્નીએ ક્રૂરતાની તમામ સીમાઓ વટાવી દીધી છે. અંતે સમગ્ર ઘટનાનો ભાંડો ફૂટ્યા પછી પોલીસે આરોપી પત્નીની ધરપકડ કરી છે. સમગ્ર હકીકત જાણવા માટે જુઓ આ ચોંકાવનારો આર્ટિકલ..
Advertisement
Agra Murder Mystery: દિવસેને દિવસે હત્યાની ઘટનાઓ બનતી જાય છે. તેમાય ઉત્તરપ્રદેશના આગ્રામાં એક એવો હત્યાકાંડ સામે આવ્યો છે. જે સાંભળીને તમારા રુંવાટા ઊંભા થઈ જશે. આગરાના સિકંદરામાં એક પત્નીએ પોતાના પતિની હત્યા કરીને જે રીતે લાશને ઠેકાણે લગાડી, તે સાંભળીને સૌ કોઈ સ્તબ્ધ થઈ ગયા છે. રૂબી નામની મહિલાએ પતિ સુરેન્દ્રને ખીરમાં ઊંઘની ગોળીઓ આપીને મારી નાખ્યા અને લાશને ઘરના બાથરૂમના ફ્લોર નીચે દાટી દીધી. લગભગ 46 દિવસ સુધી તે આ જ બાથરૂમમાં નહાતી રહી. પોલીસની તપાસમાં જ્યારે આ રહસ્ય ખુલ્યું, ત્યારે ફિલ્મ દ્રશ્યમ જેવો ભયાનક ખેલ સામે આવ્યો છે.