UP News : ઉત્તર પ્રદેશના રાજ્યપાલ આનંદીબેન પટેલે કહ્યું, "IAS અધિકારી બનતા પહેલા, મહિલાઓએ 'નિષ્ણાત માતા' બનવાનો પ્રયાસ કરવો જોઈએ"

ઉલ્લેખનીય છે કે રાજ્યપાલ આનંદી બેન પટેલનું માનવું છે કે વ્યાવસાયિક સફળતા ક્યારેય પરિવારના ભોગે ન હોવી જોઈએ. તેમણે ભારપૂર્વક જણાવ્યું કે, દીકરીઓએ લગ્ન પછી અભ્યાસ અધૂરો છોડવો ન જોઈએ, પરંતુ ઘર અને બહારની જવાબદારીઓ વચ્ચે સંતુલન જાળવવું ખૂબ જરૂરી છે.

ડ્રગ્સના દૂષણ પર રાજ્યપાલની લાલ આંખ

સમારોહ દરમિયાન રાજ્યપાલે યુનિવર્સિટી હોસ્ટેલ વિસ્તારમાં વધતી જતી ડ્રગ્સની સમસ્યા અંગે ગંભીર ચિંતા વ્યક્ત કરી હતી. તેમણે ખુલાસો કર્યો કે, ફૂડ ડિલિવરી બોક્સ દ્વારા ડ્રગ્સની હેરાફેરી થતી હોવાનું તપાસમાં બહાર આવ્યું છે, જેના પર વહીવટીતંત્રે કડક કાર્યવાહી કરી છે.

શિક્ષણમાં દીકરીઓનો દબદબો

આ સમારોહમાં 1,07,713 વિદ્યાર્થીઓને ડિગ્રી એનાયત કરવામાં આવી હતી, જેમાં 82 ટકા મેડલ દીકરીઓએ જીતીને ઈતિહાસ રચ્યો હતો. બી.એસસી. કૃષિની પ્રિયા યાદવે પાંચ ગોલ્ડ મેડલ મેળવી યુનિવર્સિટીનું નામ રોશન કર્યું હતું. રાજ્યપાલે ડિજીલોકર દ્વારા ઓનલાઈન ડિગ્રી વિતરણની શરૂઆત કરી નવીનતાનો સંદેશ આપ્યો હતો.

 

View this post on Instagram

 

A post shared by Gujarat First (@gujaratfirst)

અંતમાં, રાજ્યપાલ ટ્રેન દ્વારા કાનપુર પહોંચ્યા હતા, જે વડાપ્રધાન નરેન્દ્રભાઈ મોદીના ખર્ચ ઘટાડવાના સંદેશને અનુરૂપ હતું. તેમણે વિદ્યાર્થીઓને લગ્ન પહેલા આત્મનિર્ભર બનવા અને રાષ્ટ્ર નિર્માણમાં પોતાનું યોગદાન આપવા પ્રેરિત કર્યા હતા.

આ પણ વાંચો : Agra Vigilance Raid: આગ્રામાં વિજિલન્સના દરોડા, પૂર્વ ARTOના ઘરમાં 'ખજાનાનો ભંડાર', દીવાલોમાંથી નીકળ્યું 13 કિલો સોનું!