શું હતી સમગ્ર ઘટના?

મળતી માહિતી મુજબ, આરોપીઓ ફરિયાદીને પથ્થર રાખવાથી શરીર પર હથિયારની અસર ન થાય તેવી ખોટી લાલચ આપતા હતા. આ વાતનો વિશ્વાસ બેસાડવા માટે તેમણે ફરિયાદીને પથ્થરની કથિત ચમત્કારી શક્તિનો ડેમો પણ બતાવ્યો હતો. આ ઠગ ટોળકીએ ફરિયાદી પાસેથી શરૂઆતમાં 50,000 રૂપિયાની માંગણી કરી હતી, પરંતુ જ્યારે ફરિયાદીએ પૈસા આપવાનો ઈનકાર કર્યો, ત્યારે આરોપીઓએ તેમને ગંભીર પરિણામો ભોગવવાની ધમકી પણ આપી હતી.

પોલીસની કાર્યવાહી

આ સમગ્ર મામલે ફરિયાદીએ કપુરાઈ પોલીસનો સંપર્ક કરતા પોલીસ દ્વારા તાત્કાલિક ગુનો નોંધી તપાસ હાથ ધરવામાં આવી હતી. બાતમીના આધારે પોલીસે કપુરાઈ ચોકડી વિસ્તારમાંથી આ ઠગ ટોળકીના 3 સભ્યોને રંગેહાથ ઝડપી લીધા હતા.  શખ્સો કાળા પથ્થરને સુલેમાની પથ્થર કહીને 20 કરોડમાં વેચવાનું કાવતરું ઘડી રહ્યા હતા. પોલીસે આરોપીઓ પાસેથી કાળો પથ્થર, મોબાઈલ અને અન્ય મુદ્દામાલ જપ્ત કરીને કાયદેસરની કાર્યવાહી હાથ ધરી છે. આ ઘટના બાદ પોલીસે નાગરિકોને આવી અંધશ્રદ્ધાળુ લાલચોથી દૂર રહેવા અપીલ કરી છે.

આ પણ વાંચોઃ Gandhinagar: સાયબર સેલે ઝડપ્યું 77 કરોડનું સાયબર ફ્રોડ, 9 થી વધુ શખ્સોની ધરપકડ, ગોવા સુધી તાર