Dahod : ગરબાડાના ટૂંકી અનોપ ગામના ખેડૂતે પ્રાકૃતિક ખેતી અપનાવી જીવન બદલ્યું

• દાહોદના ખેડૂતે પાંચ વર્ષથી પ્રાકૃતિક ખેતીને અપનાવી
• એક પછી એક નવા પાક લેવાનું શરૂ કર્યું, અને સફળ પરિણામ મેળવ્યું
• સરકારી સહાય મળતા કામગીરીને બળ મળ્યું

Dahod Farmer Organic Farming : આજના સમયમાં જ્યારે રાસાયણિક ખાતરે જમીનની ફળદ્રુપતા ઘટાડી છે, તેના કારણે પાણીના સ્તરો નીચે ઉતરી રહ્યા છે, ત્યારે પ્રાકૃતિક ખેતી એકમાત્ર ટકાઉ વિકલ્પ તરીકે ઉભરી રહી છે. પ્રાકૃતિક ખેતી એટલે કે, રાસાયણિક ખાતર જંતુનાશક દવાઓનો તદ્દન ત્યાગ કરીને પ્રકૃતિના નિયમોને અનુસરીને ખેતી કરવામાં આવતી હોય છે. આ ખેતીમાં ગાયના છાણ, ગૌમૂત્ર, જીવામૃત, ઘનજીવામૃત વનસ્પતિ આધારિત કીટનાશકો અને આચ્છાદન જેવી પદ્ધતિનો ઉપયોગ થાય છે. આવી જ પ્રાકૃતિક ખેતી દાહોદ જિલ્લાના ગરબાડા તાલુકાના ટૂંકી અનોપ ગામના ખેડૂત નવલસિંહ પસાયા કરી રહ્યા છે, અને ઓછા ખર્ચે પાક તેમજ બાગાયતી ખેતી કરીને સારી ઉપજ મેળવી રહ્યા છે.

Dahod : માર્કેટ જવાની જરૂર જ નથી ગ્રાહકો સામેથી આવે છે આ છે પ્રાકૃતિક ખેતીનો કમાલ । Gujarat First

દાહોદ જિલ્લાના ખેડૂતને પ્રાકૃતિક ખેતીમાં મળી સફળતા
ટૂંકી અનોપ ગામના નવલસિંહ પસાયાએ અપનાવી પ્રાકૃતિક ખેતી
પ્રાકૃતિક ખેતીથી ઓછા ખર્ચે મેળવે છે મબલક આવક
બાગાયતી ખેતી કરીને મેળવી… pic.twitter.com/MQLKSnUQPU

— Gujarat First (@GujaratFirst) January 4, 2026

આ ખેતી ખરેખર કરવા જેવી છે

પ્રગતિશીલ ખેડૂત નવલસિંહ પસાયા છેલ્લા પાંચ વર્ષથી આ પ્રાકૃતિક ખેતી કરી રહ્યા છે, જેમાં સૌપ્રથમ તેઓએ તાલીમ લીધી હતી. ત્યારે તેમને ખબર પડી કે પ્રાકૃતિક ખેતી ખરેખર કરવા જેવી છે. જે બાદ તેમણે પ્રાકૃતિક ખેતી ની શરૂઆત કરી હતી.

રાસાયણિક ખાતરની જરૂર પડતી નથી

સૌપ્રથમ પ્રાકૃતિક ખેતી ચાલુ કરી ત્યારે તેઓ એક ગીર ગાય વસાવી અને તેના ગોબર અને ગૌમૂત્રમાંથી જીવામૃત બનાવ્યું હતું, એના પછી ઘનજીવામૃત બનાવ્યુ હતું, ઘનજીવામૃતએ પોતાના ખેતરમાં નાખવામાં આવે તો યુરિયા કે કોઈ પણ પ્રકારના રાસાયણિક ખાતરની જરૂર પડતી નથી, અને જમીન પણ ફળદ્રુપ રહે છે. આના કારણે તેમનો રાસાયણિક ખાતરનો ખર્ચ પણ બચ્યો છે, અને એનાથી ઉત્પાદનમાં પણ વધારો થયો, બીજા વર્ષે શાકભાજીના વાવેતરનું આયોજન કર્યું હતું, જેના વાવેતરમાં થયેલા લીલા શાકભાજીનું વેચાણ પણ સારું થયું હતું, અને તેમને ભાવ પણ સારા મળ્યા હતા.જે બાદ તેમણે બાગાયતી ખેતી કરી, તેમાં પણ તેમને સારી સફળતા મળી હતી

આ શાકભાજીનું વાવેતર કર્યું

પ્રાકૃતિક ખેતીમાં શાકભાજીમાં લીલી ડુંગળી લસણ ટામેટા મરચા, હળદર, કાળી હળદર, પીળી હળદર, તેમજ વેલામાં કારેલા કંકોડા ગલકા વાલોલ રતાળા સહિત બધા પ્રકારની ખેતી કરી રહ્યા છે તે વેચવાની સાથે ઘરે ખાવામાં પણ ઉપયોગ કરી રહ્યા છે.

બાગાયતી ખેતીમાં પણ સારૂ પરિણામ મળ્યું

ખેડૂત બાગાયતી ખેતીમાં નારિયળ કાળા કેળા, સફેદ કેળા તેમજ જામફળ , જામફળ માં પણ ત્રણ પ્રકારની વેરાયટી ટાઈવાન જામફળ , કાળા જામફળ અને સફેદ જામફળ અને બાર પ્રકારના આંબા જેમાં બારમાસી આંબા, શેરડી, ચેરી, અંજીર, રામફળ, હનુમાન ફળ, અર્જુન નું ઝાડ, ફણસ તેમજ આમળા, કાજુ, બદામ, પિસ્તા, સરોળી, કમરખસ, ગધાલીંબુ, અને બીજોરૂ, તેજપાન, કોકમ, સરગવા, કાળા જાંબુ, સફેદ જાંબુ, ચીકૂ, જેવા અનેક પ્રકારના ફળો અને ખેતી પણ કરી રહ્યા છે.

સરકારી સહાયથી ખર્ચ બચ્યો

આ પ્રાકૃતિક ખેતીમાં સરકાર દ્વારા તેમને સહાય પણ કરવામાં આવી છે, જેમાં પાણીનો ટાંકો ડ્રીપ અને ખેતીવાડી શાખા તરફથી ટ્રેક્ટર યોજનાની સહાય મળી છે, સરકારે મદદ કરી જેના કારણે તેમનો ઘણો બધો ખર્ચ બચી ગયો છે, આ પ્રાકૃતિક ખેતીના સ્થળની અગાઉ દાહોદ જિલ્લા કલેકટરે પણ મુલાકાત લીધી હતી.

આ પણ વાંચો -------  Banaskantha : ખરડોસણના ખેડૂતે પ્રાકૃતિક ખેતી થકી જીવન બદલ્યું, અન્ય માટે પ્રેરણારૂપ બન્યા