PM મોદીના Vadodara કાર્યક્રમનો અનોખો ક્રેઝ, BookMyShow પર પહેલી વાર બુકિંગ, સ્લોટ ફુલ

ડિજિટલ M-Ticketથી મળશે કાર્યક્રમમાં એન્ટ્રી

કાર્યક્રમમાં પ્રવેશ માટે સંપૂર્ણ ડિજિટલ સિસ્ટમ (Digital Entry System)નો ઉપયોગ કરવામાં આવશે. રજિસ્ટ્રેશન કરાવનાર લોકોને તેમના BookMyShow એકાઉન્ટ પર ડિજિટલ M-Ticket આપવામાં આવશે. આ ટિકિટમાં સુરક્ષિત અને લાઇવ QR Code હશે, જેને કાર્યક્રમ સ્થળના એન્ટ્રી ગેટ પર સ્કેન કરીને પ્રવેશની ચકાસણી કરવામાં આવશે.

Advertisement

લાંબી કતારો અને ભીડ ટાળવા ટેક્નોલોજીનો ઉપયોગ

રજિસ્ટ્રેશનથી લઈને વેરિફિકેશન, એન્ટ્રી અને બેઠક વ્યવસ્થા સુધીની પ્રક્રિયાને ડિજિટલ બનાવવામાં આવી છે. તેનો મુખ્ય હેતુ એન્ટ્રી ગેટ પર લાંબી કતારો અને ભીડને ઘટાડવાનો છે. QR કોડ આધારિત વેરિફિકેશનથી નોંધાયેલા લોકોની એન્ટ્રી ઝડપી અને વ્યવસ્થિત રીતે થાય તેવી વ્યવસ્થા કરવામાં આવી છે.

PM મોદી આપશે ₹35 હજાર કરોડથી વધુના પ્રોજેક્ટની ભેટ

વડાપ્રધાન નરેન્દ્રભાઈ મોદી ગુજરાત અને મહારાષ્ટ્રના પ્રવાસે આવશે. વડોદરામાં તેઓ ₹35 હજાર કરોડથી વધુની વિવિધ વિકાસ યોજનાઓનું લોકાર્પણ અને ખાતમુહૂર્ત કરશે. તેમાં 326 કિલોમીટર લાંબા અને ₹20,700 કરોડથી વધુના ખર્ચે વિકસિત Western Dedicated Freight Corridorના ત્રણ મહત્વપૂર્ણ સેક્શનને રાષ્ટ્રને સમર્પિત કરવાની યોજના છે.

આ ઉપરાંત ₹9,700 કરોડથી વધુના ખર્ચે 329 કિલોમીટર લાંબી ત્રણ રેલવે યોજનાઓનું ખાતમુહૂર્ત કરવામાં આવશે. તેમાં વડોદરા-રતલામ ત્રીજી-ચોથી લાઇન, મિયાગામ કરજણ-ચોરંડા-મલસર ગેજ કન્વર્ઝન અને વિશ્વામિત્રી-દભોઈ ડબલિંગ પ્રોજેક્ટનો સમાવેશ થાય છે. આ પ્રોજેક્ટથી પેસેન્જર તથા માલ પરિવહન ક્ષમતા વધવાની અને ગુજરાત-મધ્યપ્રદેશ કનેક્ટિવિટી વધુ મજબૂત થવાની અપેક્ષા છે.

આ પણ વાંચો: Delhi Building Collapse : 7ના મોત બાદ ફરાર મકાનમાલિક હરિરામ રાજસ્થાનથી ઝડપાયો, MCDના DC સહિત 5 અધિકારીઓ સસ્પેન્ડ!