નાયબ મુખ્યમંત્રી હર્ષભાઈ સંઘવી વડોદરા પહોંચ્યા હતા
PM મોદીની મુલાકાતની તૈયારીઓની સમીક્ષા કરવા નાયબ મુખ્યમંત્રી હર્ષભાઈ સંઘવી વડોદરા પહોંચ્યા હતા. તેમણે વડોદરાની એમ.એસ. યુનિવર્સિટીના પેવેલિયન મેદાનની મુલાકાત લઈને સ્થળનું નિરીક્ષણ કર્યું હતું. સંભવિત કાર્યક્રમ માટે મેદાન અને આસપાસની વ્યવસ્થાઓ અંગે અધિકારીઓ પાસેથી માહિતી મેળવવામાં આવી હતી.મળતી માહિતી મુજબ, વડાપ્રધાન નરેન્દ્ર મોદી વડોદરા મુલાકાત દરમિયાન હજારો કરોડ રૂપિયાના વિવિધ વિકાસ કાર્યોનું લોકાર્પણ અને ખાતમુહૂર્ત (Inauguration & Foundation Stone) કરી શકે છે. એરફોર્સ (Air Force), રેલવે (Railway) અને વહીવટી તંત્ર સાથે જોડાયેલા વિવિધ વિકાસ પ્રોજેક્ટ્સનું લોકાર્પણ તથા ખાતમુહૂર્ત થવાની શક્યતા છે.
Vadodara: સાંસદ ડૉ. હેમાંગ જોશી સહિત નેતાઓ રહ્યા હાજર
મુલાકાતની તૈયારીઓ અંગે યોજાયેલી સમીક્ષામાં વડોદરાના સાંસદ ડૉ. હેમાંગ જોશી, ધારાસભ્યો, શહેર ભાજપ પ્રમુખ, મ્યુનિસિપલ કમિશનર, પોલીસ કમિશનર સહિતના અધિકારીઓ અને આગેવાનો પણ જોડાયા હતા. કાર્યક્રમના સ્થળથી લઈને સુરક્ષા અને ટ્રાફિક વ્યવસ્થા સુધીના વિવિધ પાસાઓની સમીક્ષા કરવામાં આવી રહી છે.
સુરક્ષા વ્યવસ્થા માટે વિવિધ એજન્સીઓ સાથે બેઠક
PM મોદીની સંભવિત મુલાકાતને ધ્યાનમાં રાખીને Security Agencies પણ Alert Mode પર આવી ગઈ છે. વડાપ્રધાનની મુલાકાત દરમિયાન સુરક્ષા વ્યવસ્થા માટે વિવિધ એજન્સીઓ અને સ્થાનિક પોલીસ વચ્ચે સંકલન કરવામાં આવી રહ્યું છે.હાલ કાર્યક્રમની અંતિમ રૂપરેખા અને વડાપ્રધાનના કાર્યક્રમ અંગે સત્તાવાર વિગતોની રાહ જોવાઈ રહી છે. જો કાર્યક્રમ નિર્ધારિત મુજબ યોજાય તો વડોદરાને હજારો કરોડના વિકાસકાર્યોની મોટી ભેટ મળી શકે છે.
આ પણ વાંચો: VGGS 2027: દિલ્હીમાં VGGS 2027નું કર્ટન રેઝરનું આયોજન, 31 ઓગસ્ટે ભારત મંડપમ ખાતે યોજાશે કાર્યક્રમ
