સુર સાગર તળાવ ખાતે મહાદેવની આરતી
વડોદરાના પ્રસિદ્ધ સુર સાગર તળાવ ખાતે નાયબ મુખ્યમંત્રી હર્ષભાઈ સંઘવીએ મહાદેવની આરતી ઉતારી હતી. ધાર્મિક માહોલ વચ્ચે તેમણે ભગવાન શિવની પૂજા-અર્ચના કરી હતી. સુર સાગર ખાતે યોજાયેલા આ કાર્યક્રમને પગલે સમગ્ર વિસ્તારમાં ભક્તિમય વાતાવરણ જોવા મળ્યું હતું.
કૈલાસ ખેર પણ કાર્યક્રમમાં રહ્યા ઉપસ્થિત
આ સાંસ્કૃતિક કાર્યક્રમમાં જાણીતા ગાયક કૈલાસ ખેર પણ ખાસ ઉપસ્થિત રહ્યા હતા. કૈલાસ ખેરની હાજરીને કારણે કાર્યક્રમમાં લોકોમાં ખાસ ઉત્સાહ જોવા મળ્યો હતો. ગુજરાતી સંસ્કૃતિ અને ધાર્મિક ભાવનાના સંગમ સમાન આ કાર્યક્રમમાં સંગીતપ્રેમીઓ પણ મોટી સંખ્યામાં જોડાયા હતા.
કૈલાસ ખેરના પરફોર્મન્સે જમાવ્યો રંગ
કાર્યક્રમ દરમિયાન જાણીતા ગાયક કૈલાસ ખેરે શાનદાર સાંસ્કૃતિક પરફોર્મન્સ આપ્યું હતું. તેમના સંગીત અને રજૂઆતથી કાર્યક્રમમાં ઉપસ્થિત લોકો મંત્રમુગ્ધ બન્યા હતા. કૈલાસ ખેરના ગીતો સાથે સમગ્ર કાર્યક્રમમાં ઉત્સાહનો માહોલ છવાયો હતો.
![Kailash Kher Performance_Vadodara_gujaratfirst]()
ધાર્મિક આસ્થા સાથે સાંસ્કૃતિક રંગ
હર્ષભાઈ સંઘવીની હાજરી અને મહાદેવની આરતી સાથે કાર્યક્રમમાં ધાર્મિક આસ્થાનો માહોલ જોવા મળ્યો હતો, જ્યારે કૈલાસ ખેરના સંગીતમય પરફોર્મન્સે સાંસ્કૃતિક રંગ ઉમેર્યો હતો. વડોદરાના સુર સાગર તળાવ ખાતે યોજાયેલો આ કાર્યક્રમ ધાર્મિક શ્રદ્ધા અને સંગીતનો અનોખો સંગમ બની રહ્યો હતો.
PM મોદીના કાર્યક્રમને લઈ મહત્વની બેઠક
આ ઉપરાંત નાયબ મુખ્યમંત્રી હર્ષભાઈ સંઘવીની અધ્યક્ષતામાં PM મોદીના આગામી કાર્યક્રમની તૈયારીઓને લઈને મહત્વની બેઠક યોજી. બેઠકમાં કાર્યક્રમના આયોજન અને વ્યવસ્થાઓ અંગે વિગતવાર સમીક્ષા કરવામાં આવી.
જનપ્રતિનિધિઓ ઉપરાંત ઉચ્ચ અધિકારીઓ અને વિવિધ વિભાગોના અધિકારીઓ બેઠકમાં હાજર રહ્યા. કાર્યક્રમ સફળતાપૂર્વક યોજાય તે માટે જરૂરી તૈયારીઓ, વ્યવસ્થાઓ અને કામગીરી અંગે અધિકારીઓને સૂચનાઓ આપવામાં આવી.
આ પણ વાંચોઃ PM Modi Vadodara Visit: PM મોદી આવતી કાલે વડોદરા આવશે, સુરક્ષાને લઈને પોલીસનું મેગા રિહર્સલ
