ગુજરાતમાં મેઘમહેર: ધનો નદીમાં પૂર, અમદાવાદ-વડોદરા એક્સપ્રેસ-વે પર વિઝિબિલિટી ઝીરો

અમદાવાદ-વડોદરા હાઈવે પર વિઝિબિલિટી ઘટી

મધ્ય ગુજરાતના મુખ્ય માર્ગ એવા અમદાવાદ-વડોદરા નેશનલ હાઈવે (Ahmedabad-Vadodara National Highway) પર ધોધમાર વરસાદ તૂટી પડ્યો હતો. ખાસ કરીને નડિયાદ (Nadiad) અને આણંદ (Anand) વચ્ચે ભારે પવન સાથે વરસાદ ખાબકતાં હાઈવે પર વિઝિબિલિટી (Visibility) ખૂબ જ ઘટી ગઈ હતી, જેના કારણે વાહન ચાલકોને ભારે હાલાકી ભોગવવી પડી હતી અને રસ્તા પર પાણી ભરાવાને કારણે વાહનોની ગતિ ધીમી પડી ગઈ હતી.

જેસર અને સાવરકુંડલામાં પૂરની સ્થિતિ

બીજી તરફ, અમરેલી (Amreli) ના સાવરકુંડલા (Savarkundla) ના વીજપડી, મોદા અને બાઢડા પંથકમાં ભારે વરસાદ થયો છે. અહીંના દાધીયા (Dadhiya) અને ચીખલી ગામમાં વરસાદના કારણે પૂર (Flood) જેવી સ્થિતિ સર્જાઈ છે અને દાધીયા ગામની ધનો નદી (Dhano River) બે કાંઠે વહેતી થઈ છે. ખાંભા અને આજુબાજુના ગ્રામ્ય વિસ્તારોમાં પણ વાવણી લાયક વરસાદ થતાં ખેડૂતો ખુશખુશાલ છે.

આ ઉપરાંત, ભાવનગરના જેસર (Jesar) ના ઉગલવાણ (Ugalvan) ગામે ભારે વરસાદથી નદીમાં ઘોડાપૂર આવ્યું છે, જેને કારણે ઉગલવાણથી મોટા આસરાણા (Mota Asrana) નો માર્ગ સંપૂર્ણ બંધ થઈ ગયો છે અને સ્થાનિકોની અવરજવર ખોરવાઈ છે.

સુરેન્દ્રનગર, છોટાઉદેપુર અને મહુવામાં પણ મેઘમહેર

ઝાલાવાડ પંથક એટલે કે સુરેન્દ્રનગર (Surendranagar) જિલ્લામાં પણ વાતાવરણમાં પલટા બાદ વઢવાણ (Wadhwan) ના વડોદ, વસ્તડી, ટુવા અને ટીંબા સહિતના ગ્રામ્ય વિસ્તારોમાં સારો વરસાદ નોંધાયો છે. ભાવનગર (Bhavnagar) ના મહુવા (Mahua) તાલુકાના સેદરડા, ખારી, ગળથર, વાઘવદરડા, મોણપર અને બગદાણા (Bagdana) સહિતના ગામડાઓમાં વરસાદ આશીર્વાદરૂપ બન્યો છે અને વાવણીની રાહ જોતા ખેડૂતો સક્રિય થયા છે.

આ તરફ પૂર્વ ગુજરાતના છોટાઉદેપુર (Chhota Udepur) ના કરાલી, ચલામલી અને રંગલી ચોકડી (Rangli Chokdi) વિસ્તારમાં પણ વરસાદી માહોલ જામતા લોકોને અસહ્ય ગરમીમાંથી મોટી રાહત મળી છે.

આ પણ વાંચો: Monsoon News: મુંબઈમાં મેઘરાજાની ધમાકેદાર એન્ટ્રી: 17 રાજ્યોમાં વાવાઝોડા સાથે ભારે વરસાદની આગાહી