Vadodara માં ઈન્ડિગો ફ્લાઈટમાં પાવર ગુલ, મુસાફરોએ મચાવ્યો હોબાળો
- Vadodara માં ઈન્ડિગો એરલાઈન્સની ઘોર બેદરકારી
- ફ્લાઈટમાં પાવર ગુલ થતાં મુસાફરો મુકાયા મુશ્કેલીમાં
- ગૂંગળામણ વચ્ચે મુસાફરો અડધો કલાક અટવાયા
- એરલાઇન્સની બેદરકારી સામે મુસાફરોએ મચાવ્યો હોબાળો
- ઈન્ડિગોની ફ્લાઈટ 6E 657 માં સર્જાઈ ટેક્નિકલ ખામી
Indigo Flight Technical Fault Vadodara: વડોદરા એરપોર્ટ (Vadodara Airport) પરથી રવાના થનારી ઈન્ડિગોની ફ્લાઈટ 6E 657 માં ગઈકાલે રાત્રે એક મોટી ટેક્નિકલ ખામી (Technical Fault) સર્જાઈ હતી. રાત્રે 8:50 વાગ્યે ફ્લાઈટમાં અચાનક વીજ પુરવઠો ખોરવાઈ ગયો હતો, જે છેક 9:15 વાગ્યા સુધી એટલે કે આશરે 25 મિનિટ સુધી ગુલ રહ્યો હતો.
Vadodara માં ઈન્ડિગો એરલાઈન્સની ઘોર બેદરકારી
પાવર સપ્લાય (Power Supply) બંધ થઈ જતાં ફ્લાઈટની એર કન્ડીશનીંગ (AC) સિસ્ટમ પણ બંધ થઈ ગઈ હતી. બંધ ફ્લાઈટમાં હવાની અવરજવર અટકી જતાં મુસાફરોને ગૂંગળામણ (Suffocation) અનુભવાઈ હતી. નાના બાળકો અને વૃદ્ધ મુસાફરોની હાલત વધુ કફોડી બની હતી. એરલાઈન્સની આ પ્રકારની ઘોર બેદરકારી જોઈને મુસાફરોનો પિત્તો ગયો હતો અને તેમણે ફ્લાઈટની અંદર જ ભારે હોબાળો (Uproar) મચાવ્યો હતો.
ઘટનાને પગલે મુસાફરોમાં ભારે રોષ
અંતે, રાત્રે 9:15 વાગ્યા બાદ ટેક્નિકલ ખામી સુધારી પાવર સપ્લાય શરૂ કરવામાં આવ્યો હતો, ત્યારબાદ જ ફ્લાઈટને આગળના ગંતવ્ય સ્થાન માટે રવાના કરવામાં આવી હતી. એરપોર્ટ પર બનેલી આ ઘટનાને લઈને મુસાફરોમાં એરલાઈન્સ પ્રત્યે ભારે રોષ જોવા મળી રહ્યો છે.
આ પણ વાંચો: "સૌથી વધુ બાંગ્લાદેશીઓને અમે પકડ્યા", DyCM Harshbhai Sanghavi નું મોટું નિવેદન