Vadodara News: કરજણમાં ખાતર માટે ખેડૂતોની લાંબી કતારો, આધાર કાર્ડ દીઠ માત્ર 10 ગુણ ખાતરનું વિતરણ
Vadodara ના કરજણમાં ખાતરની અછત અને વિતરણમાં અવ્યવસ્થાને કારણે ખેડૂતો પરેશાન છે. સંઘના ડેપો પર વહેલી સવારથી લાંબી લાઈનો લાગે છે, જ્યાં આધાર કાર્ડ દીઠ 10 ગુણ મર્યાદિત ખાતર અપાઈ રહ્યું છે. આ ઉપરાંત, પ્રાઇવેટ ડેપો પર યુરિયા સાથે અન્ય વસ્તુઓ લેવાની ફરજ પડતા ખેડૂતોમાં ભારે રોષ છે. યોગ્ય ખાતર ન મળતા ખેડૂતો ધક્કા ખાવા મજબૂર બન્યા છે.
Advertisement
Vadodara Farmers Problem: વડોદરા જિલ્લાના કરજણ નગરમાં ખેડૂતો હાલ ભારે મુશ્કેલીનો સામનો કરી રહ્યા છે. ખેતી માટે અત્યંત આવશ્યક એવા ખાતર મેળવવા માટે ખેડૂતોએ વહેલી સવારથી જ ડેપો પર લાઈનો લગાવવી પડી રહી છે. કરજણ ખાતે આવેલા સંઘના ડેપો પર ખેડૂતોની લાંબી કતારો જોવા મળી રહી છે, જેમાં મહિલા ખેડૂતો પણ હાજર રહીને ખાતર માટે રાહ જોતી નજરે પડી હતી.