Manjalpur By-Election Result: વડોદરાની અત્યંત ચર્ચિત એવી માંજલપુર વિધાનસભા બેઠકની પેટાચૂંટણીનું પરિણામ આખરે જાહેર થઈ ગયું છે, જેમાં ભારતીય જનતા પાર્ટીના ઉમેદવાર સતિષ પટેલ (સતેન્દ્ર પટેલ) પ્રચંડ બહુમતી સાથે વિજયી બન્યા છે.
Manjalpur By-Election Result: વડોદરાની અત્યંત ચર્ચિત એવી માંજલપુર વિધાનસભા બેઠકની પેટાચૂંટણીનું પરિણામ આખરે જાહેર થઈ ગયું છે, જેમાં ભારતીય જનતા પાર્ટીના ઉમેદવાર સતિષ પટેલ (સતેન્દ્ર પટેલ) પ્રચંડ બહુમતી સાથે વિજયી બન્યા છે. ચૂંટણી પંચ દ્વારા ભવન્સ સ્કૂલ ખાતે ચુસ્ત પોલીસ બંદોબસ્ત અને કડક વ્યવસ્થાઓ વચ્ચે સવારે 8 વાગ્યાથી મતગણતરી પ્રક્રિયા હાથ ધરવામાં આવી હતી. કુલ 260 મતદાન મથકોના મતોની ગણતરી 15 ટેબલો પર 19 રાઉન્ડમાં પૂર્ણ કરવા માટે 42કાઉન્ટિંગ સ્ટાફ અને 42 માઇક્રો ઓબ્ઝર્વર્સ ફરજ પર રહ્યા હતા.
Manjalpur પેટાચૂંટણીમાં ભગવો લહેરાયો
મતગણતરીની શરૂઆતથી જ ભાજપના ઉમેદવાર સતિષ પટેલે મજબૂત પકડ જમાવી હતી. પ્રારંભિક પોસ્ટલ બેલેટ અને ત્યારબાદ EVM મશીનોના મતોની ગણતરી આગળ વધતી ગઈ તેમ તેમ ભાજપની લીડમાં સતત વધારો થતો ગયો હતો અંતે 19 માં રાઉન્ડના અંતે સતિષ પટેલે 28940 મતથી જીત મેળવી છે. તેમને 52761 મત મળ્યાછે. કોંગ્રેસના ઉમેદવાર ભીખાભાઇ રબારીને કારમી હારનો સામનો કરવો પડ્યો છે.તેમને 23821 મત મળ્યા છે.
ભાજપ છાવણીમાં દિવાળી જેવો માહોલ
આ ચૂંટણીમાં કુલ 37.5 ટકા જેટલું મતદાન નોંધાયું હતું. પરિણામોના સત્તાવાર વલણો અને જીતની જાહેરાત થતાં જ મતગણતરી કેન્દ્ર બહાર અને વડોદરા શહેરભરમાં ભાજપના કાર્યકર્તાઓમાં ભારે ઉત્સાહ જોવા મળ્યો હતો. કાર્યકર્તાઓએ ફટાકડા ફોડીને, મીઠાઈ વહેંચીને અને વિજય સરઘસ કાઢીને ભવ્ય ઉજવણી શરૂ કરી દીધી હતી. સતિષ પટેલની આ જીતથી ભાજપ છાવણીમાં દિવાળી જેવો માહોલ છવાઈ ગયો છે.માંજલપુર બેઠક ભાજપનો ગઢ ગણાય છે ત્યારે સતીષ પટેલે ભાજપની લાજ રાખી છે.
આ પણ વાંચો: Gujarat HTAT Exam 2026: પ્રાથમિક શાળાના મુખ્ય શિક્ષકો માટે મોટા સમાચાર, રાજ્યમાં 3294 જગ્યાઓ પર HTAT પરીક્ષાની જાહેરાત
