Vadodara News: પ્રેમજાળમાં ફસાવીને અશ્લીલ વીડિયો બનાવ્યા, પછી સોનું અને લાખો રૂપિયા પડાવ્યા; વાંચો સમગ્ર કિસ્સો

Vadodara ની MSUની વિદ્યાર્થીની સાથે દુષ્કર્મ

આરોપી વાસુદેવ સુથારે પીડિત યુવતી પાસે અશ્લીલ ફોટો અને વીડિયો વાયરલ કરવાની ધમકી આપીને રૂપિયા 10 લાખની માતબર રકમની માંગણી કરી હતી. એટલું જ નહીં, યુવતીના લગ્ન પ્રસંગ દરમિયાન તેની પાસેથી બળજબરીપૂર્વક 20 તોલા સોનું પણ પડાવી લીધાનો ગંભીર આક્ષેપ કરાયો છે. ચોંકાવનારી વાત તો એ છે કે યુવતીના લગ્ન થઈ ગયા બાદ પણ આરોપી અટક્યો નહોતો અને તેને સતત ધમકાવીને રાજસ્થાન તથા અમદાવાદ ખાતે લઈ જઈને બળજબરીપૂર્વક શારીરિક સંબંધ બાંધવા માટે મજબૂર કરી હતી.

વડોદરાની MS યુનિવર્સિટીની વિદ્યાર્થિની પર દુષ્કર્મ
વિદ્યાર્થિનીને પ્રેમજાળમાં ફસાવી યુવકે કર્યુ દુષ્કર્મ
ગોત્રી વિસ્તારમાં રહેતા યુવક સામે દુષ્કર્મની ફરિયાદ
યુવતીના ન્યૂડ વીડિયો ઉતારી વાયરલ કરવાની આપી ધમકી
ફોટો-વીડિયોના આધારે યુવક યુવતીને કરતો હતો બ્લેકમેલ
ફોટા વાયરલ કરવાની ધમકી… pic.twitter.com/dxO87GjqkM

— Gujarat First (@GujaratFirst) August 30, 2026

આરોપી વાસુદેવ સુથાર ઝડપાયો

આ ત્રાસથી કંટાળીને આખરે પીડિત યુવતીએ હિંમત દાખવીને રાજસ્થાન ખાતે સમગ્ર મામલે ફરિયાદ નોંધાવી હતી. આ કેસમાં ગુનાની ગંભીરતાને ધ્યાનમાં રાખીને મામલો વડોદરાના ગોત્રી પોલીસ સ્ટેશનને ટ્રાન્સફર કરવામાં આવ્યો હતો. ગોત્રી પોલીસે ત્વરિત કાર્યવાહી હાથ ધરીને આરોપી વાસુદેવ સુથારની ધરપકડ કરી લીધી છે અને તેને કોર્ટમાં રજૂ કરીને 31 ઓગસ્ટ સુધીના રિમાન્ડ મેળવીને આગળની કાયદેસરની સઘન તપાસ શરૂ કરી છે.

આ પણ વાંચો:  Panchmahal News: પંચમહાલના નાગલોદ ગામે ઘરની છત પર ચઢી ગયો દીપડો, ગ્રામજનોમાં ફેલાયો ફફડાટ