US-Israel Iran War Impact: વડોદરાનો સોની પરિવાર સાઉદીમાં અટવાયો, પુત્રએ સરકાર પાસે માંગી મદદ

US-Israel Iran War Impact: શુક્રવારે જ પરિવાર યાત્રાએ ગયો હતો

વડોદરાના ફારૂક સોની (Faruk Soni) ના પરિવારમાં હાલ ચિંતાનું મોજું ફરી વળ્યું છે. ફારૂકભાઈના જણાવ્યા અનુસાર, તેમના માતા-પિતા અને ભાઈ પવિત્ર મક્કા (Makkah) ખાતે ઉમરાહ (Umrah) ની યાત્રા માટે ગયા શુક્રવારે જ રવાના થયા હતા. પરિવારમાં ખુશીનો માહોલ હતો કે વડીલો ધાર્મિક યાત્રાએ જઈ રહ્યા છે, પરંતુ તેમના ગયાના બીજા જ દિવસથી ઇઝરાયેલ અને ઈરાન વચ્ચેનો તણાવ એકાએક વકરતાં સ્થિતિ પલટાઈ ગઈ છે.

Iran Israel War Impact : "પરિવાર શુક્રવારે જ સાઉદી ગયા અને બીજા દિવસથી મુશ્કેલીમાં મુકાયા" | Gujarat First

ઇઝરાયેલ અને ઈરાન વચ્ચે યુદ્ધનો મામલો
અમેરિકાની દખલથી વૈશ્વિક સ્થિતિ વિકટ બની
વડોદરાના અનેક પરિવારો મુશ્કેલીમાં મુકાયા
મક્કા ઉમરાહ માટે ગયેલા યાત્રાળુઓ અટવાયા
ફારૂક સોનીના… pic.twitter.com/ITgdojTmLT

— Gujarat First (@GujaratFirst) March 1, 2026

એરબેસ બંધ થતા યાત્રાળુઓ મુશ્કેલીમાં

યુદ્ધની સ્થિતિને ગંભીરતાથી લેતા અનેક દેશોએ સુરક્ષાના કારણોસર પોતાના એરબેસ (Airbase) અને હવાઈ માર્ગો બંધ કરી દીધા છે. આના કારણે મક્કા ગયેલા હજારો યાત્રાળુઓ માટે પરત આવવાનો કે આગળ વધવાનો માર્ગ સંપૂર્ણપણે બંધ થઈ ગયો છે. ફારૂક સોનીના પુત્રએ મીડિયા સાથે વાત કરતા જણાવ્યું કે, શુક્રવારે પહોંચ્યા બાદ બીજા જ દિવસથી યુદ્ધની અસરો વર્તાવા લાગી હતી. ફ્લાઈટ્સ રદ થતા અને એરપોર્ટ પર અનિશ્ચિતતા સર્જાતા યાત્રાળુઓ અધવચ્ચે અટવાઈ ગયા છે.

Israel Iran War: Meccaમાં Umrah માટે ગયેલા ગુજરાતીઓ મુશ્કેલીમાં

વડોદરાના ફારૂક સોનીનો મક્કાથી વીડિયો સંદેશ
પવિત્ર રમઝાન માસમાં યુદ્ધની સ્થિતિથી તણાવ
ગુજરાતના 800 જેટલા યાત્રાળુ મક્કામાં હાજર
યુદ્ધને લીધે અનેક લોકો મક્કા ન પહોંચ્યા
યાત્રાળુઓની દવા અને સામાન પણ હજુ બાકી
રમઝાનની… pic.twitter.com/V0nc89TNDf

— Gujarat First (@GujaratFirst) March 1, 2026

ભોજનની વ્યવસ્થા પણ સ્વાસ્થ્યના પ્રશ્નો વિકટ

સાઉદી અરેબિયામાં અટવાયેલા ગુજરાતી યાત્રાળુઓ માટે રહેવા અને જમવાની પ્રાથમિક સુવિધા હાલ પૂરતી મળી રહી છે, પરંતુ સૌથી મોટી સમસ્યા સ્વાસ્થ્ય (Health) સંબંધી ઉભી થઈ છે. ફારૂક સોનીએ જણાવ્યું કે, તેમની સાથે ગયેલા વડીલો અને અન્ય વૃદ્ધ યાત્રાળુઓને નિયમિત દવાઓની જરૂર હોય છે. યુદ્ધની સ્થિતિ અને લોજિસ્ટિક્સ ખોરવાઈ જવાને કારણે ત્યાં દવાઓની ભારે અછત સર્જાઈ છે. વૃદ્ધોને સ્વાસ્થ્ય સંબંધી ગંભીર સમસ્યાઓ ઉભી થઈ રહી છે અને સ્થાનિક સ્તરે તબીબી સહાય મેળવવી કઠિન બની રહી છે.

ભારત સરકારને આશાભરી અપીલ

વડોદરાના અસરગ્રસ્ત પરિવારોએ હવે ભારત સરકાર (Government of India) અને વિદેશ મંત્રાલય (Ministry of External Affairs) ને આજીજી કરી છે. પરિવારોની માંગ છે કે સાઉદી અરેબિયામાં અટવાયેલા ભારતીય યાત્રાળુઓને સુરક્ષિત રીતે પરત લાવવા માટે ખાસ વ્યવસ્થા કરવામાં આવે અથવા તો ત્યાં તેમને જરૂરી દવાઓ અને તબીબી સુવિધા પૂરી પાડવામાં આવે.

આ પણ વાંચોઃ US-Israel Iran War Impact: દુબઈ-અબુધાબીમાં 3 હજાર ગુજરાતીઓ ફસાયા! 1500 એ બુકિંગ રદ કર્યું

આ પણ વાંચોઃ US-Israel Iran War: ભારતનો 4.33 લાખ કરોડ રૂપિયાનો વ્યવસાય ખતરામાં! સુરતના ઉદ્યોગોને શું અસર?