Vadodara Accident: વાઘોડિયાના દખેડા ગામ પાસે ડમ્પરની નીચે બાઈક આવી ગયું, દંપતીનું ઘટનાસ્થળે જ મોત

અકસ્માત કેવી રીતે સર્જાયો?

મળતી માહિતી મુજબ દખેડા ગામના રહેવાસી પતિ-પત્ની પોતાના બાઈક પર સવાર થઈને કોઈ કામ અર્થે વાઘોડિયા તરફ જઈ રહ્યા હતા. આ દરમિયાન માર્ગ પર ડમ્પર સાથે તેમની ટક્કર થઈ હતી. ટક્કર એટલી ભયાનક હતી કે બાઇક સાથે દંપતી ડમ્પરની નીચે ફસાઈ ગયા હતા. ડમ્પરની અડફેટે આવવાથી દંપતીને ગંભીર ઈજાઓ પહોંચી હતી, જેના કારણે બંનેના ઘટનાસ્થળે જ કમકમાટીભર્યા મોત (Tragic Death) નિપજ્યા હતા.

વાઘોડિયા પોલીસ ઘટના સ્થળે

અકસ્માતની જાણ થતા જ આસપાસના વિસ્તારમાં દોડધામ મચી ગઈ હતી અને મોટી સંખ્યામાં દખેડા ગામના ગ્રામજનો (Villagers) ઘટનાસ્થળે એકત્ર થઈ ગયા હતા. બનાવને પગલે વાઘોડિયા પોલીસનો કાફલો તાત્કાલિક ઘટનાસ્થળે દોડી આવ્યો હતો. પોલીસે મૃતદેહોને કબજે કરીને પોસ્ટમોર્ટમ માટે ખસેડવાની તજવીજ હાથ ધરી છે.

ગામમાં શોકનું મોજું

આ અકસ્માતને કારણે સમગ્ર દખેડા ગામમાં શોકનું મોજું ફરી વળ્યું છે. ડમ્પર ચાલકની બેદરકારી (Negligence) સામે ગ્રામજનોમાં ભારે રોષ જોવા મળી રહ્યો છે. પોલીસે ડમ્પર ચાલક સામે કાયદેસરની કાર્યવાહી શરૂ કરી છે.

આ પણ વાંચોઃ Vadodara: એક્સપ્રેસ વે કે ડેથ વે? કરજણ પાસે ભયાનક અકસ્માતમાં કારનો કચ્ચરઘાણ, 3 લોકોના જીવ ગયા

આ પણ વાંચોઃ Banaskantha Accident: અકસ્માતનો સિલસિલો યથાવત, એક બાદ એક 5 વાહનો વચ્ચે અકસ્માત