Vadodara News: વડોદરામાં રિક્ષા મુસાફરી થશે મોંઘી! ભાડામાં સીધો 10 રૂપિયાનો વધારો

Vadodara શહેરમાં રિક્ષા યુનિયનનો મોટો નિર્ણય

રિક્ષાના મિનિમમ ભાડામાં 10 રૂપિયાનો સીધો વધારો કરવામાં આવ્યો છે. અત્યાર સુધી જે મુસાફરો મિનિમમ 20 રૂપિયા ચૂકવતા હતા, તેમણે હવેથી 30 રૂપિયા ચૂકવવા પડશે.

નિર્ણય પાછળનું કારણ

શહેરના 80 હજારથી વધુ રિક્ષા ચાલકો હાલમાં મોંઘવારીનો સામનો કરી રહ્યા છે. CNG અને પેટ્રોલના ભાવમાં થયેલા તોતિંગ વધારાને કારણે રિક્ષા ચલાવવી હવે પરવડે તેમ ન હોવાથી રિક્ષા યુનિયન દ્વારા આ મજબૂરીમાં નિર્ણય લેવામાં આવ્યો છે.

જનતા પર વધારાનો બોજ

ભાડામાં થયેલા આ વધારાને કારણે સામાન્ય નાગરિકોની ચિંતા વધી ગઈ છે. નોકરિયાત વર્ગ અને વિદ્યાર્થીઓ માટે દૈનિક મુસાફરી હવે વધુ મોંઘી બનશે.

રિક્ષા યુનિયનના હોદ્દેદારોએ શું કહ્યું ?

રિક્ષા યુનિયનના હોદ્દેદારોનું કહેવું છે કે રિક્ષા ચાલકો અને નાગરિકો બંનેના હિતને ધ્યાનમાં રાખીને આ સંતુલિત નિર્ણય લેવો જરૂરી હતો, જેથી વ્યવસાય જાળવી શકાય. જોકે, 1 જુલાઈથી લાગુ થનારા આ નવા ભાડાના અમલીકરણ પછી મુસાફરો અને રિક્ષા ચાલકો વચ્ચે અવારનવાર ભાડા બાબતે ઘર્ષણ થવાની શક્યતા પણ સેવાઈ રહી છે.

 આ પણ વાંચો:  NEET Paper Leak Scam: NEET પેપર લીકના નામે 1.5 કરોડની ઠગાઈ, અમદાવાદ સાયબર ક્રાઈમ પોલીસે રાજસ્થાનથી બે ભેજાબાજોને ઝડપ્યા