Vadodara Bhayli gangrape case: ભાયલી દુષ્કર્મ કેસમાં મોટો ચુકાદો, 5 આરોપીઓને આજીવન કેદ

પીડિતાને રૂ.10 લાખ વળતરનો આદેશ

સજા ઉપરાંત કોર્ટે પીડિતાને રૂ.10 લાખનું વળતર ચૂકવવાનો પણ આદેશ કર્યો છે. સગીરા સામે બનેલી ગંભીર ઘટનાને ધ્યાનમાં રાખીને કોર્ટના આ નિર્ણયને મહત્વપૂર્ણ માનવામાં આવી રહ્યો છે. ચુકાદા બાદ પીડિતાને ન્યાય મળ્યો હોવાની લાગણી પરિવાર તરફથી વ્યક્ત કરવામાં આવી છે.

નવરાત્રીમાં ગુજાર્યું હતુ સામૂહિક દુષ્કર્મ

ઘટનાની વિગતો અનુસાર, ગત 4 ઓક્ટોબર 2024 ના રોજ નવરાત્રિના તહેવાર દરમિયાન એક સગીરા સાથે આ પાંચેય નરાધમોએ મળીને સામૂહિક દુષ્કર્મ જેવું અત્યંત નિંદનીય કૃત્ય આચર્યું હતું. આ ઘટના બાદ સમગ્ર વડોદરા શહેરમાં ભારે રોષ અને આક્રોશ ફાટી નીકળ્યો હતો. પોલીસ તંત્ર દ્વારા આ કેસમાં અતિસંવેદનશીલતા દાખવીને દાખલારૂપ કામગીરી કરવામાં આવી હતી. પોલીસે માત્ર 17 દિવસના ટૂંકા સમયગાળામાં જ કોર્ટમાં 6000 થી વધુ પાનાની મજબૂત ચાર્જશીટ રજૂ કરી હતી, જેના આધારે આજે ન્યાયિક પ્રક્રિયા પૂર્ણ થઈ છે અને કોર્ટે તમામ પાંચ આરોપીઓને દોષિત ઠેરવીને કડક સજા ફટકારી છે.

Vadodara: Court Convicts All 5 Accused in Navratri Bhayli Minor Gangrape Case; Sentencing Today
Vadodara Bhayli Case: ભાયલી ગેંગરેપ કેસના તમામ 5 આરોપીઓ દોષિત જાહેર, આજે સજાનું એલાન#Vadodara #BhayliGangrape #CourtVerdict #JusticeForVictim #VadodaraPolice #CrimeNews #VadodaraNews… pic.twitter.com/HvCtFjIaHt

— Gujarat First (@GujaratFirst) August 31, 2026

આ પણ વાંચો:  Bhavnagar toxic liquor tragedy: મુખ્ય સૂત્રધાર ગૌતમ સોલંકી અને રઈસ અંસારી સહિત 14 આરોપીઓને જેલમાં મોકલાયા