Vadodara Accident: વડોદરામાં કાર ચાલકનો કહેર! ઘરની બહાર રમતા 3 વર્ષના માસૂમને કચડતા મોત

રમતા-રમતા જ મોતની કાળ બની કાર

મળતી માહિતી મુજબ, બાળક પોતાના ઘરની બહાર રમી રહ્યું હતું. આ દરમિયાન ત્યાંથી પસાર થતી એક કારના ચાલકે બાળકને અડફેટે લીધું હતું. અકસ્માત બાદ આસપાસના લોકો અને પરિવારજનો ઘટનાસ્થળે દોડી આવ્યા હતા અને તાત્કાલિક બાળકને હોસ્પિટલાં લઈ ગયા હતા. જોકે ગંભીર રીતે ઈજાગ્રસ્ત થયેલા બાળકને ડોક્ટરે મૃત ઘોષિત કર્યો હતો. એકના એક પુત્રના મોતથી પરિવારમાં ભારે શોકની લાગણી છવાઈ ગઈ છે.

કાર ચાલકનું નામ વિપુલ હોવાનો પરિવારનો આક્ષેપ

અકસ્મતની ઘટનામાં પરિવારજનો દ્વારા કાર ચાલકનું નામ વિપુલ હોવાનો આક્ષેપ કરવામાં આવ્યો છે. જોકે, અકસ્માતની સમગ્ર હકીકત અને કાર ચાલકની ભૂમિકા અંગે પોલીસ તપાસ બાદ વધુ સ્પષ્ટતા થઈ શકે છે.

પરિવારજનોમાં આક્રોશ, કડક કાર્યવાહીની માગ

માસૂમ બાળકના મોતથી પરિવારજનોમાં ભારે આક્રોશ જોવા મળી રહ્યો છે. પરિવાર દ્વારા કાર ચાલક સામે કડક કાર્યવાહી કરવાની ઉગ્ર માગ કરવામાં આવી છે.

આ પણ વાંચોઃ Rajkot: રામનાથ મહાદેવ મંદિરે PI ની દાદાગીરીનો આરોપ, ભાજપ નેતા સાથે બબાલ, PCR વેનને જબરદસ્તી ઘુસાડી!

આ પણ વાંચોઃ Vadodara Pilgrims: નેપાળમાં પૂર વચ્ચે વડોદરાના 12 યાત્રાળુઓનો બચાવ, એક દિવસ મોડું થયું હોત તો...