Vadodara: 25 વર્ષ જૂની ટાંકી ધડામ દઈને હેઠી પડી, વડું ગામે જર્જરિત થયેલી ટાંકીને તોડી પડાઈ
- વડોદરા (Vadodara) ના વડું ગામે જૂની પાણીની ટાંકી ધરાશાયી કરવામાં આવી
- ગણતરીના સેકન્ડોમાં ટાંકી જમીનદોસ્ત થઈ ગઈ
- લગભગ 25 વર્ષ જૂની ટાંકી સુરક્ષાને પગલે ઉતારી લઈ
- જર્જરિત હાલતમાં આવેલી ટાંકી તોડી પાડવામાં આવી
- ટાંકી તોડવાની કાર્યવાહીનો વીડિયો આવ્યો સામે
- વિડિયોમાં ટાંકી ક્ષણોમાં ધરાશાયી થતી દેખાઈ
વડોદરા (Vadodara) જિલ્લાના પાદરા તાલુકામાં આવેલા વડું ગામે લગભગ 25 વર્ષ જૂની પાણીની ઓવરહેડ ટાંકીને જર્જરિત હાલતને કારણે સુરક્ષાના ભાગરૂપે તોડી પાડવામાં આવી છે. આ કાર્યવાહી ગ્રામ પંચાયત અને સ્થાનિક તંત્ર દ્વારા હાથ ધરવામાં આવી હતી, જેથી કોઈ અકસ્માત ન બને.
vadodara ના વડું ગામે 25 વર્ષ જૂની ટાંકી તોડી પડાઈ
આ ટાંકી લાંબા સમયથી વપરાશમાં ન હોવાથી અને તેની હાલત ખતરનાક બની ગઈ હોવાથી તેને નિયંત્રિત રીતે ધરાશાયી કરવાનો નિર્ણય લેવામાં આવ્યો હતો. તોડવાની પ્રક્રિયા દરમિયાન ગણતરીની સેકન્ડોમાં જ ટાંકી જમીનદોસ્ત થઈ ગઈ, જેનો વીડિયો સોશિયલ મીડિયા પર વાયરલ થયો છે. આ વીડિયોમાં સ્પષ્ટ દેખાય છે કે તંત્ર દ્વારા જર્જકિત ટાંકીને તોડવાની કામગીરી કરવામાં આવી રહી છે ત્યારે લોકો પણ તેને જોવા માટે ટોળું વળીને ઉભા છે અને ટાંકી થોડી જ ક્ષણોમાં ધૂળના ગોટા સાથે ધરાશાયી થતી જોવા મળે છે.
તંત્રએ પ્રક્રિયા સુરક્ષિત રીતે પૂર્ણ કરી
આ ટાંકી જર્જરિત થઈ ગયા પછી ગામમાં અકસ્માતનું જોખમ વધી ગયું હતું. તેથી તેને તોડી પાડવાની માંગ લાંબા સમયથી કરવામાં આવતી હતી. આ કાર્યવાહીથી ગામલોકોમાં રાહતનો માહોલ છે. તંત્રએ આ પ્રક્રિયા સુરક્ષિત રીતે પૂર્ણ કરી, કોઈ જાનહાનિ કે અન્ય નુકસાન થયું નથી.આ ઘટના જર્જરિત માળખાઓના સમયસર નિકાલની જરૂરિયાતને રેખાંકિત કરે છે, જેથી ભવિષ્યમાં કોઈ દુર્ઘટના ન બને. ગામમાં હવે નવી પાણી વ્યવસ્થાની અપેક્ષા રાખવામાં આવી રહી છે.