Vadodara: નશામાં ધુત લક્ઝરી કાર ચાલકે આર્મી જવાન સહિત ૩ ને અડફેટે લીધા, ચાલક ફરાર!

વડોદરાના (Vadodara) સમા વિસ્તારમાં હિટ એન્ડ રનની ભયાનક ઘટના

મળતી માહિતી અનુસાર, ઘટના મોડી રાત્રે સમા વિસ્તારમાં બની હતી. દારૂના નશામાં ધુત કાર ચાલકે ફુલ સ્પીડે કાર હંકારી હતી અને રસ્તા પર ઉભેલા અથવા ચાલતા લોકોને અડફેટે લીધા. આમાં એક આર્મી જવાન, એક મહિલા અને બે લારી ધારકોનો સમાવેશ થાય છે. કુલ 4 થી 5 લોકોને અડફેટે લેવામાં આવી હોવાનું જાણવા મળ્યું છે. ગંભીર રીતે ઘાયલ ત્રણેયને તાત્કાલિક નજીકની હોસ્પિટલમાં ખસેડવામાં આવ્યા હતા, જ્યાં તેમની સારવાર ચાલુ છે.અકસ્માત સર્જ્યા બાદ કાર ચાલક ઘટનાસ્થળેથી ફરાર થઈ ગયો હતો. આ ઘટનાથી વિસ્તારમાં ભયનો માહોલ છવાઈ ગયો છે.

પોલીસે ફરાર કાર ચાલકને ઝડપી પાડવા કાર્યવાહી શરૂ કરી

વડોદરા શહેરમાં રફ્તારના રાક્ષસોનો કહેર યથાવત છે, અને આવી ઘટનાઓથી લોકોમાં રોષ વ્યાપ્યો છે.પોલીસે તાત્કાલિક કાર્યવાહી શરૂ કરી દીધી છે. ફરાર કાર ચાલકની શોધખોળ માટે તપાસ તેજ કરવામાં આવી છે. સીસીટીવી ફૂટેજ અને અન્ય પુરાવાઓના આધારે ચાલકને ટૂંક સમયમાં ઝડપી પાડવાના પ્રયાસો ચાલુ છે. આ ઘટના નશામાં વાહન ચલાવવા અને ઓવરસ્પીડના જોખમને ફરી એકવાર ઉજાગર કરે છે.આવી ઘટનાઓથી બચવા માટે ટ્રાફિક નિયમોનું કડક પાલન અને નશાબંધીની જરૂરિયાત વધુ ઊભરી આવી છે. પોલીસે લોકોને અપીલ કરી છે કે કોઈપણ આવી ઘટનાની જાણ થાય તો તાત્કાલિક માહિતી આપે.

આ પણ વાંચો : Gir Somnath: પ્રદેશ ભાજપ પ્રમુખ જગદીશભાઈ વિશ્વકર્મા સોમનાથની મુલાકાતે, પ્રેસ કોન્ફરન્સને કરશે સંબોધિત