Vadodara Fake Demolition: ડેસરમાં સુરત જેવો જ કાંડ, અધિકારીઓ અજાણ અને રાતોરાત ફરી ગયું બુલડોઝર

જાણ કર્યા વિના ગરીબોના આવાસ જમીનદોસ્ત

સ્થાનિક સૂત્રો પાસેથી મળતી માહિતી મુજબ, મેરાકુવા (Merakuva) ગામમાં સરકારી પડતર જમીનમાં પ્લોટિંગ કરીને વર્ષો પહેલા ગરીબ પરિવારોને પ્લોટ ફાળવવામાં આવ્યા હતા. આ પ્લોટ પર આશરે 25 વર્ષ જૂના 19 જેટલા સરદાર આવાસ (Sardar Awas) નું નિર્માણ કરવામાં આવ્યું હતું. જોકે, આ આવાસોમાં વીજળી અને પાણી જેવી પ્રાથમિક સુવિધાઓનો લાંબા સમયથી અભાવ હોવાને કારણે લાભાર્થીઓ ત્યાં રહેતા ન હતા અને આવાસ ખાલી પડ્યા હતા. આ પરિસ્થિતિનો ગેરલાભ ઉઠાવીને, મૂળ લાભાર્થીઓને કોઈ પણ પ્રકારની પૂર્વ સૂચના કે નોટિસ આપ્યા વગર આ તમામ 19 આવાસો પર બુલડોઝર ફેરવી દેવામાં આવ્યું છે.

સ્થાનિક તંત્ર ઘટનાથી સંપૂર્ણ અજાણ

આ સમગ્ર કૌભાંડની સૌથી આશ્ચર્યજનક બાબત એ છે કે ડિમોલિશનની આટલી મોટી કામગીરી થઈ ગઈ હોવા છતાં સ્થાનિક વહીવટી તંત્ર ઊંઘતું ઝડપાયું છે. આ મામલે જ્યારે ઉચ્ચ અધિકારીઓનો સંપર્ક કરવામાં આવ્યો ત્યારે ડેસર (Desar) ના તાલુકા વિકાસ અધિકારી (Taluka Development Officer - TDO) એ આ બાબતથી પોતે તદ્દન અજાણ હોવાનું જણાવ્યું હતું.

સુરત બાદ વડોદરાના ડેસરમાં પણ નકલી ડિમોલિશન
મેરાકુવા ગામમાં 19 જુના સરદાર આવાસ તોડી પડાયા
લાભાર્થીઓને જાણ કર્યા વગર મકાન તોડ્યાનો આરોપ
તંત્રની મંજૂરી વગર આવાસ તોડ્યા હોવાનો દાવો
25 વર્ષ જૂના સરદાર આવાસ તોડવામાં આવ્યા
સરકારી પડતર જમીનમાં પ્લોટિંગ કરીને ફાળવાયા હતા
તાલુકા વિકાસ… pic.twitter.com/aPgqW4DdNB

— Gujarat First (@GujaratFirst) June 12, 2026

એટલું જ નહીં, ગ્રામ પંચાયતના જવાબદાર ગણાતા તલાટી (Talati) અને સરપંચ (Sarpanch) પણ આ સમગ્ર ઘટનાથી સંપૂર્ણપણે અજાણ હોવાનો દાવો કરી રહ્યા છે. સરકારી મિલકત અને ગરીબોના આવાસ તંત્રની મંજૂરી વગર કોણે અને કયા હેતુથી તોડી પાડ્યા તે અત્યારે રહસ્યનો વિષય બન્યો છે. આ નકલી ડિમોલિશન (Fake Demolition) મામલે છેતરાયેલા ગરીબ લાભાર્થીઓએ ન્યાયની આશા સાથે ઉચ્ચ સ્તરીય તપાસની ઉગ્ર માંગ કરી છે.

આ પણ વાંચો: Surat Ghost Demolition કેસમાં સૌથી મોટો ધડાકો: રાજકીય નેતાના ભાઈ અને બિલ્ડરોની ભાગીદારી સામે આવ્યા પુરાવા