Vadodara : ચકચારી હિટ એન્ડ રન કેસના આરોપી રક્ષિત ચૌરસિયાને મળ્યા જામીન
માર્ચ 2025 માં ધૂળેટીની આગલી રાત્રે આરોપી રક્ષિતે બેદરકારી પૂર્વક કાર ચલાવી અનેક વાહનોને અડફેટે લીધા હતા, જેમાં એક મહિલાનું મોત નીપજયું હતું. આ ઘટના બાદથી રક્ષિત જેલ હવાલે હતો. 9 મહિના બાદ આજે રક્ષિતને ગુજરાત હાઇકોર્ટમાંથી શરતી જામીન મળ્યા છે.
Advertisement
- રક્ષિચ ચૌરસિયાને 9 મહિને હાઇકોર્ટમાંથી જામીન મળ્યા
- કારેલીબાગના ચકચારી હિટ એન્ડ રન કેસનો મુખ્ય આરોપી છે રક્ષિત
- રક્ષિતની જામીન અરજીનો વિરોધ કરનાર સરકારી વકીલને કોર્ટની મૌખિક ટકોર
Vadodara : માર્ચ 2025 માં વડોદરાના કારેલીબાગમાં રક્ષિત ચૌરસિયા અને તેના મિત્રની કાર દ્વારા એક પછી એક ત્રણ વાહનોને અડફેટે લેવામાં આવ્યા હતા. જે પૈકી એક મહિલાનું સ્થળ પર જ મોત નીપજ્યું હતું. આ ચકચારી મામલે રક્ષિત ચૌરસિયાને જેલ હવાલે કરવામાં આવ્યો હતો. 9 મહિના બાદ આખરે રક્ષિત ચૌરસિયાને ગુજરાત હાઇકોર્ટમાંથી જામીન મળ્યા છે. ગુજરાત હાઇકોર્ટે ચાર્જશીટ બાદ જામીન મંજૂર કર્યા છે. સાથે જ સુનવણી દરમિયાન સરકારી વકીલે જામીન અરજીનો વિરોધ કરતા ગુજરાત હાઇકોર્ટે મૌખિક ટકોર કરી હોવાનું પણ જાણવા મળી રહ્યું છે.