Vadodara Hit and Run: વડોદરામાં કારે બાઈકને ઉડાવ્યું, યુવક હવામાં ફંગોળાયો, રૂંવાડા ઉભા કરી દેતા દ્રશ્યો!

Vadodara Hit and Run : પૂરપાટ કારની ટક્કર અને ભયાનક દ્રશ્યો

આ અકસ્માત (Accident) ત્યારે સર્જાયો જ્યારે એક બાઈક ચાલક પોતાના રસ્તે જઈ રહ્યો હતો, ત્યારે પાછળથી પૂરઝડપે આવતી એક કારે બાઈકને અડફેટે લીધી હતી. ટક્કર એટલી પ્રચંડ હતી કે બાઈક સવાર યુવક હવામાં ફંગોળાઈને દૂર રોડ પર પટકાયો હતો. આસપાસના લોકો આ દ્રશ્ય જોઈને સ્તબ્ધ થઈ ગયા હતા. કારની અડફેટે આવેલું બાઈક પણ રોડ પર ઘસડાયું હતું. આ ઘટનાના સીસીટીવી ફૂટેજ (CCTV Footage) પણ સામે આવ્યા છે, જે શહેરની સુરક્ષા અને ટ્રાફિક શિસ્ત સામે ગંભીર સવાલો ઉભા કરે છે.

વડોદરામાં કાર ચાલકે બાઈક ચાલકને લીધો અડફેટે
ટીપી 13 વિસ્તારમાં કારે બાઈકને પાછળથી મારી ટક્કર
ટક્કર મારતા બાઈક ચાલક હવામાં ફંગોળાઈને પડ્યો
કાર ચાલક મદદ કરવાના બદલે યુટર્ન મારીને ભાગ્યો
ફતેગંજ પોલીસે કાચ ચાલકની હાથ ધરી શોધખોળ#Vadodara #RoadAccident #HitAndRun #TrafficIncident… pic.twitter.com/XZSJNhqOA6

— Gujarat First (@GujaratFirst) March 15, 2026

માનવતા મરી પરવારી: મદદને બદલે મારી પલાયન

અકસ્માત સર્જ્યા બાદ સામાન્ય રીતે કોઈપણ ચાલકની ફરજ ઈજાગ્રસ્તને મદદ કરવાની હોય છે, પરંતુ અહીં માનવતા મરી પરવારી હોય તેવા દ્રશ્યો જોવા મળ્યા હતા. અકસ્માત સર્જનાર કાર ચાલકે ગાડી ઉભી રાખીને બાઈક સવારની સ્થિતિ જાણવાને બદલે ત્યાંથી ભાગવાનું મુનાસિબ માન્યું હતું. કાર ચાલકે ચાલુ રસ્તે જ પોતાની કારને યુ-ટર્ન (U-Turn) મારી અને અકસ્માત સ્થળેથી પલાયન થઈ ગયો હતો. રસ્તા પર લોહીલુહાણ હાલતમાં પડેલા યુવકને જોઈને પણ કાર ચાલકનું દિલ દ્રવ્યું નહોતું.

ફતેગંજ પોલીસ એક્શનમાં

ઘટનાની જાણ થતા જ સ્થાનિક લોકોએ ઈજાગ્રસ્ત યુવકને હોસ્પિટલ પહોંચાડ્યો હતો અને પોલીસને જાણ કરી હતી. ફતેગંજ પોલીસ (Fatehgunj Police) તાત્કાલિક ઘટનાસ્થળે પહોંચી હતી અને હિટ એન્ડ રન (Vadodara Hit and Run) નો ગુનો નોંધી તપાસ શરૂ કરી છે. પોલીસ દ્વારા વિસ્તારના સીસીટીવી ફૂટેજ ચકાસવામાં આવી રહ્યા છે જેથી તે બેફામ કાર ચાલકની કારનો નંબર મેળવી શકાય અને તેની વહેલી તકે ધરપકડ કરી શકાય. પોલીસે આ મામલે કડક હાથે તપાસ હાથ ધરી છે અને આરોપી કાર ચાલકને પકડવા ચક્રો ગતિમાન કર્યા છે

આ પણ વાંચો : Vadodara માં મધરાતે લોહીયાળ ખેલ, પતિએ પત્ની પર ચપ્પાના ઘા ઝીંક્યા, શું છે કારણ?