Vadodara: ઉત્તરાયણના બહાને ઘરે રોકાયો, સંબંધીએ ઊંઘતી સગીરાનું મોઢું દબાવી આચર્યું દુષ્કર્મ!
- વડોદરાના (Vadodara) વાઘોડીયામાં 15 વર્ષની સગીરા પર દુષ્કર્મની ઘટના
- કિશન રમણભાઈ દેવીપૂજકે સગીરા પર દુષ્કર્મ આચર્યું
- આરોપી સગીરાના સંબંધીએ યોજેલી બર્થડે પાર્ટીમાં આવ્યો હતો
- ઉત્તરાયણ માટે રીલ રંગવાના બહાને રાતે સગીરાના ઘરે રોકાયો
- મધરાત્રે સૂતેલી સગીરાનું ઊંઘમાં મોઢું દબાવી દુષ્કર્મ ગુજાર્યું
- વાઘોડિયા પોલીસે ગણતરીના કલાકોમાં આરોપીની કરી અટકાયત
Vadodara: વડોદરા (Vadodara) જિલ્લાના વાઘોડિયા વિસ્તારમાં માનવતાને શરમાવે તેવી ઘટના સામે આવી છે. 15 વર્ષીય સગીરા પર તેના સગા સંબંધી કિશન રમણભાઈ દેવીપૂજકે મધરાત્રે ઊંઘમાં મોઢું દબાવી દુષ્કર્મ આચર્યું હતું. આરોપીએ વિશ્વાસનો દુરુપયોગ કરીને આ કૃત્ય આચર્યું છે, જેનાથી પરિવારમાં આઘાતની લાગણી છે.
Vadodara ના વાઘોડીયામાં 15 વર્ષની સગીરા પર દુષ્કર્મની ઘટના
મળતી માહિતી અનુસાર, આરોપી કિશન દેવીપૂજક સગીરાના સંબંધીએ યોજાયેલી બર્થડે પાર્ટીમાં મહેમાન તરીકે આવ્યો હતો. ત્યારબાદ ઉત્તરાયણ પર્વ માટે પતંગની દોરી રંગવાના બહાને તે સગીરાના ઘરે રાત્રે રોકાઈ ગયો. મધરાત્રે જ્યારે સગીરા ઊંઘમાં હતી, ત્યારે આરોપીએ તેનું મોઢું દબાવી દબાવીને જબરદસ્તી દુષ્કર્મ ગુજાર્યું હતું.
સગીરાની પૂછપરછ કરતાં તેણે આખી હકીકત જણાવી
આ કૃત્યથી સગીરા ગંભીર આઘાતમાં આવી ગઈ અને તે કેટલાક દિવસો સુધી ઉદાસ અને ડરેલી રહી.સગીરાના વર્તનમાં આવેલા ફેરફારને જોઈને પરિવારજનોને શંકા ગઈ. તેમણે સગીરા પાસેથી પૂછપરછ કરતાં તેણે આખી હકીકત જણાવી. આ પછી પરિવારે તાત્કાલિક વાઘોડિયા પોલીસ સ્ટેશનમાં ફરિયાદ નોંધાવી.
ગણતરીના કલાકોમાં જ આરોપીને ઝડપી પાડયો
પોલીસે ઝડપથી કાર્યવાહી કરીને ગણતરીના કલાકોમાં જ આરોપી કિશન દેવીપૂજકની અટકાયત કરી લીધી.વાઘોડિયા પોલીસે આરોપી વિરુદ્ધ ભારતીય દંડ સંહિતાની દુષ્કર્મની કલમો તેમજ પોક્સો એક્ટ હેઠળ ગુનો નોંધી વધુ તપાસ હાથ ધરી છે.