પોશીનાના પરિવાર પર આફત
મૃત બાળક સાબરકાંઠા જિલ્લાના પોશીના તાલુકાના નરેશભાઈ અંગારીનો પુત્ર હોવાનું જાણવા મળ્યું છે. પરિવારજનો હોસ્પિટલ કેમ્પસમાં હાજર હતા ત્યારે બાળક રમતા રમતા પાર્કિંગ તરફ પહોંચી ગયો હતો. તે દરમિયાન પસાર થતી કારના પૈડા નીચે આવી જતા ગંભીર ઇજા પહોંચી હતી.
મહિલા તબીબની કાર હોવાનું સામે આવ્યું
પ્રાથમિક માહિતી મુજબ અકસ્માત કરનાર કાર મહિલા તબીબ ડો. ગુડિયા પ્રમોદ સિન્હાની હોવાનું સામે આવ્યું છે. અકસ્માત કેવી રીતે સર્જાયો અને તે સમયે વાહનની ગતિ કેટલી હતી તે અંગે પોલીસે તપાસ શરૂ કરી છે. ઘટના બનતાં જ હોસ્પિટલ સ્ટાફ અને આસપાસના લોકો તાત્કાલિક બાળકને સારવાર માટે દોડી આવ્યા હતા.
SSG હોસ્પિટલમાં મૃત જાહેર
ગંભીર હાલતમાં બાળકને તરત જ વડોદરાની SSG હોસ્પિટલમાં ખસેડવામાં આવ્યો હતો. જોકે ફરજ પર હાજર તબીબોએ તપાસ બાદ બાળકને મૃત જાહેર કર્યો હતો. બાળકના અકાળ અવસાનથી પરિવારજનોમાં ભારે શોકની લાગણી વ્યાપી ગઈ છે. હોસ્પિટલમાં હાજર લોકો પણ આ ઘટનાથી સ્તબ્ધ બન્યા હતા.
પોલીસે તપાસ હાથ ધરી
અકસ્માત અંગે વડોદરા પોલીસે વધુ તપાસ શરૂ કરી છે. હોસ્પિટલ કેમ્પસમાં લાગેલા CCTV કેમેરાના ફૂટેજ મેળવવાની કાર્યવાહી હાથ ધરવામાં આવી છે. પોલીસ દ્વારા કાર ચાલક, હોસ્પિટલ સ્ટાફ અને ઘટનાસ્થળે હાજર સાક્ષીઓના નિવેદનો લેવામાં આવી રહ્યા છે. પ્રાથમિક રીતે આ ઘટના અકસ્માત હોવાનું માનવામાં આવી રહ્યું છે, પરંતુ તમામ પાસાઓની તપાસ બાદ જ ચોક્કસ કારણ સ્પષ્ટ થશે.
આ પણ વાંચોઃ Mahisagar News: 'તું પંચાયતની માહિતી કેમ માગે છે?' કહી બે યુવકો પર હુમલો, તાલુકા પંચાયત કચેરીના કમ્પાઉન્ડમાં જ બની ઘટના
આ પણ વાંચોઃ Surendranagar Crime: પૂજારી અને પત્નીના મૃતદેહને લઈ મોટો ખુલાસો, આ વાતને લઈ બંને વચ્ચે થઈ હતી તકરાર
