Vadodara News: અપહરણ અને લૂંટના ભાગેડુ આરોપીનું મોત, જાણો એકાએક શું થયું?

શું હતી સમગ્ર ઘટના?

મળતી જાણકારી અનુસાર થોડા સમય અગાઉ વડોદરાના સન ફાર્મા રોડ પર એક યુવકનું અપહરણ કરવામાં આવ્યું હતું. આ કેસમાં આકાશ થાપા મુખ્ય સૂત્રધાર તરીકે સામેલ હતો. આરોપીઓએ યુવકને કારમાં ઉપાડી જઈને નિર્જન જગ્યાએ લઈ જઈને ઢોર માર માર્યો હતો એટલું જ નહીં, પરંતુ માનવતાને શરમજનક એવી ક્રૂરતા પણ આચરી હતી. આરોપીઓએ યુવકનો નગ્ન વીડિયો બનાવીને તેને સોશિયલ મીડિયા પર વાયરલ કરવાની ધમકી આપીને લૂંટફાટ કરી હતી.

પોલીસ પકડથી બચવા માટે સતત ભાગી રહ્યો હતો

આ ગંભીર ગુનાના પગલે પોલીસ દ્વારા સઘન તપાસ હાથ ધરવામાં આવી હતી, જેમાં અનેક આરોપીઓની ધરપકડ કરવામાં આવી હતી. જોકે, આકાશ થાપા ઘટના બાદથી જ ફરાર થઈ ગયો હતો અને પોલીસ પકડથી બચવા માટે સતત ભાગદોડ કરી રહ્યો હતો.

ગોત્રી હોસ્પિટલમાં અંતિમ શ્વાસ

મળતી માહિતી મુજબ, ફરાર દરમિયાન જ તેને અચાનક છાતીમાં દુખાવો ઉપડ્યો હતો. પરિવારજનો કે મળતીયાઓ તેને તાત્કાલિક સારવાર માટે વડોદરાની ગોત્રી સરકારી હોસ્પિટલ ખાતે લઈ ગયા હતા. જ્યાં ફરજ પરના તબીબોએ તપાસ કરીને તેને મૃત જાહેર કર્યો હતો. પ્રાથમિક તારણમાં મોતનું કારણ હાર્ટ એટેક હોવાનું સામે આવ્યું છે.

આ પણ વાંચોઃ Rajkot News: 8 વર્ષ જૂના હત્યા કેસનો પર્દાફાશ, ઠેકેદારની ક્રૂરતાનો ફૂટ્યો ભાંડો, ઘટના જાણી હચમચી જશો