Vadodara News: વડોદરાના કુંભારવાડામાં વહેલી સવારે ફાયરિંગ, જૂની અદાવતમાં હુમલો

Vadodara ના કુંભારવાડામાં વહેલી સવારે ફાયરિંગથી ફફડાટ

આજે વહેલી સવારે આશરે 3:30 વાગ્યાના સુમારે કુંભારવાડા વિસ્તારમાં આવેલી રામરાજ હોટેલ નજીક અચાનક ફાયરિંગનો અવાજ સંભળાતા લોકો ચોંકી ઉઠ્યા હતા. ફરિયાદી સાજિદ શેખના જણાવ્યા અનુસાર, આરોપી સુફિયાન સિકંદરખાન પઠાણ તેના 5 થી 7 જેટલા સાથીદારો સાથે ત્યાં આવ્યો હતો. સાજિદ શેખનો આક્ષેપ છે કે આરોપીઓ નશાની હાલતમાં હતા અને તેમાંથી એક વ્યક્તિએ ફાયરિંગ કર્યું હતું.

પોલીસ કાર્યવાહી

ઘટનાની જાણ થતાં જ કુંભારવાડા પોલીસ અને ડીસીપી ઝોન-4 નો કાફલો તાત્કાલિક ઘટનાસ્થળે પહોંચી ગયો હતો. સદનસીબે, આ ફાયરિંગની ઘટનામાં કોઈને પણ ઈજા પહોંચી નથી. પોલીસે ત્વરિત કાર્યવાહી કરીને મુખ્ય આરોપીને ડિટેઈન કરી લીધો છે અને સમગ્ર મામલે તપાસ તેજ કરી છે. હાલ વિસ્તારમાં શાંતિ જળવાઈ રહે તે માટે પોલીસનો ચુસ્ત બંદોબસ્ત ગોઠવી દેવામાં આવ્યો છે.

આ પણ વાંચો:  Ahmedabad Plane Crash 1 Year: જ્યાં વિમાન તૂટી પડ્યું હતું ત્યાં 105 કરોડના ખર્ચે બનશે નવી હોસ્ટેલ, ટાટા ગ્રુપનો સહયોગ, જાણો વિગતો