Vadodara: ગટરના મેનહોલે યુવકનો જીવ લીધા બાદ કમિશનરે આપ્યું નિવેદન, જાણો શું કહ્યું?
Vadodara ના માંજલપુરમાં મનપાની ઘોર બેદરકારીને કારણે નિવૃત્ત DySP ના પુત્ર વિપુલસિંહ ઝાલાનું ખુલ્લા મેનહોલમાં પડવાથી કરુણ મોત નીપજ્યું છે. સેફ્ટી બેરિકેટિંગના અભાવે બનેલી આ ઘટના બાદ મ્યુનિસિપલ કમિશનરે કોન્ટ્રાક્ટર અને સુપરવિઝન અધિકારી સામે કાર્યવાહીની ખાતરી આપી છે. જોકે, તંત્રની આવી ગુનાહિત બેદરકારી સામે નાગરિકોમાં ભારે રોષ જોવા મળી રહ્યો છે.
Advertisement
- Vadodara મનપાના પાપે નિવૃત્ત DySPના પુત્રનો ગયો જીવ!
- માંજલપુર સ્પોર્ટ્સ કોમ્પ્લેક્સ પાસે ડ્રેનેજના મેનહોલમાં યુવક પડ્યો હતો
- પાણીની ટાંકી પાસે ચાઇનીઝ ખાવા જતા યુવક સાથે બની હતી ઘટના
- વડોદરામાં ગટરમાં યુવક પડતા મોતને લઈને કમિશનરનું નિવેદન
Vadodara: 'સંસ્કારી નગરી' વડોદરામાં વહીવટી તંત્રની બેદરકારીના કારણે વધુ એક નિર્દોષ નાગરિકે જીવ ગુમાવ્યો છે. વડોદરા મ્યુનિસિપલ કોર્પોરેશન (VMC) ના પાપે માંજલપુર વિસ્તાર (Manjalpur area) માં એક યુવાનનું મોત નીપજતા સમગ્ર શહેરમાં અરેરાટી વ્યાપી ગઈ છે. નિવૃત્ત DySP ના પુત્રનું ગટરના ખુલ્લા મેનહોલમાં પડવાથી મોત થતા પાલિકાના અધિકારીઓની કામગીરી સામે ગંભીર સવાલો ઉભા થયા છે. ત્યારે આ મામલે મ્યુનિસિપલ કમિશનર અરુણ મહેશ બાબુ (Arun Mahesh Babu) એ મોટું નિવેદન આપ્યું છે.