નીતિન નબીનના નેતૃત્વમાં નવી જવાબદારી
હેમાંગભાઈ જોશીએ જણાવ્યું કે નીતિન નબીનના નેતૃત્વમાં રાષ્ટ્રીય કાર્યકારિણીની જાહેરાત કરવામાં આવી છે અને તેમાં ભાજપ યુવા મોરચાના અધ્યક્ષ તરીકે તેમના નામની જાહેરાત થઈ છે. તેમણે કહ્યું કે તેમના પરિવારમાં કોઈ રાજકારણી નથી અને મળેલી આ જવાબદારીને તેઓ વડોદરા તથા ગુજરાતના યુવા મોરચાના તમામ કાર્યકર્તાઓને સમર્પિત કરે છે.
'જગદીશભાઈ વિશ્વકર્માએ કામ કરવાની ફ્રીડમ આપી'
હેમાંગભાઈ જોશીએ પ્રદેશ અધ્યક્ષની વાત કરતાં કહ્યું કે જગદીશભાઈ વિશ્વકર્માએ હંમેશા તેમને કામ કરવાની ફ્રીડમ આપી છે. આ જવાબદારીને તેઓ માત્ર વ્યક્તિગત ઉપલબ્ધિ તરીકે નહીં, પરંતુ સંગઠનના કાર્યકર્તાઓની મહેનત અને વિશ્વાસ તરીકે જોઈ રહ્યા છે.
યુવાનો જોબ સીકર નહીં, જોબ ગીવર બને તેવો પ્રયાસ
હેમાંગભાઈ જોશીએ કહ્યું કે યુવા શક્તિ વિકસિત ભારતનું સબળ પરિબળ છે અને યુવાનો દેશનું ભવિષ્ય છે. વિકસિત ભારત-2047ના લક્ષ્ય સાથે એક-એક યુવાન જોડાય તેવા પ્રયાસો કરવામાં આવશે. તેમણે વધુમાં કહ્યું કે યુવાનો માત્ર જોબ સીકર ન બને, પરંતુ જોબ ગીવર બને તે દિશામાં પણ કામ કરવામાં આવશે. વધુમાં કહ્યું વડોદરા અને ગુજરાતના યુવા મોરચાના તમામ કાર્યકર્તાઓને આ જવાબદારી સમર્પિત છે.
નશાખોરીથી દૂર રાખવા પર ભાર
તેમણે યુવાનોની ઊર્જાને સકારાત્મક દિશા આપવાની વાત કરી. કહ્યું કે યુવા શક્તિની ઊર્જાનો યોગ્ય ઉપયોગ થાય અને યુવાનો નશાખોરીથી દૂર રહે તે માટે પ્રયાસો કરવામાં આવશે. યુવાનોને રચનાત્મક પ્રવૃત્તિઓ અને દેશના વિકાસ સાથે જોડવાની દિશામાં સંગઠનાત્મક કામગીરીને આગળ વધારવાનો સંકલ્પ પણ તેમણે વ્યક્ત કર્યો.
રાહુલ ગાંધી પર કર્યો કટાક્ષ
યુવાનોને રાજકીય હથિયાર બનાવી દેશનો માહોલ ખરાબ કરનારાઓ સામે પણ હેમાંગ જોશીએ આકરા પ્રહાર કર્યા. આ દરમિયાન તેમણે કોંગ્રેસ નેતા રાહુલ ગાંધી (Rahul Gandhi) પર કટાક્ષ કરતા કહ્યું હતું કે, યુવાન હતા ત્યારે ઝબ્બો પહેરી વયોવૃદ્ધ દેખાતા હતા અને હવે વયોવૃદ્ધ થયા ત્યારે ટી-શર્ટ પહેરે છે. તેમના આ નિવેદનથી રાજકીય ચર્ચા ગરમાઈ શકે છે.
આ પણ વાંચોઃ Anand: આણંદમાં ચોરી કરતી 2 મહિલા પકડાઈ, વૃદ્ધનું પાકીટ કાપી આટલા રૂપિયા કાઢી લીધાનો આક્ષેપ
આ પણ વાંચોઃ Dakor: ડાકોરમાં નોન-વેજ વેચાણ પર કાયમી પ્રતિબંધની માગ, દંડી સ્વામીએ પ્રાંત અધિકારીને લખ્યો પત્ર
