Vadodara: શું હવે માત્ર રંગ બદલાતા જ ખબર પડશે ડાયાબિટીસનું પ્રમાણ? જાણો
- Vadodara: એમ.એસ. યુનિવર્સિટીના વૈજ્ઞાનિકોની મોટી શોધ
- રંગના ફેરફાર પરથી જ શરીરમાં શુગરનું પ્રમાણ જાણી શકાશે
- વડોદરાના વૈજ્ઞાનિકોએ વિકસાવ્યો સ્વદેશી ‘નેનોઝાઈમ’
Vadodara: ગુજરાતની શૈક્ષણિક નગરી વડોદરાની ખ્યાતનામ મહારાજા સયાજીરાવ યુનિવર્સિટી (Maharaja Sayajirao University - MSU) ના વૈજ્ઞાનિકોએ તબીબી ક્ષેત્રે એક મોટી સફળતા હાંસલ કરી છે. ડાયાબિટીસ (Diabetes) ના દર્દીઓ માટે આ શોધ કોઈ આશીર્વાદથી ઓછી નથી. અત્યાર સુધી જે સુગર લેવલ (Sugar Level) માપવા માટે મોંઘા મશીનો અને વિદેશી ટેકનોલોજી પર નિર્ભર રહેવું પડતું હતું, તેનો ઉકેલ હવે ભારતીય વિજ્ઞાને શોધી કાઢ્યો છે.
Vadodara: તાંબાના ઉપયોગથી વિકસાવ્યું ‘નેનોઝાઈમ’
યુનિવર્સિટીના સંશોધકોએ નેનો ટેકનોલોજી (Nanotechnology) ના માધ્યમથી તાંબા (Copper) નો ઉપયોગ કરીને એક વિશિષ્ટ 'નેનોઝાઈમ' તૈયાર કર્યું છે. સામાન્ય રીતે ડાયાબિટીસના ટેસ્ટ માટે કુદરતી એન્ઝાઈમ્સનો ઉપયોગ થાય છે જે ખૂબ જ મોંઘા હોય છે અને તેને સાચવવા માટે ખાસ તાપમાનની જરૂર પડે છે. તેના બદલે, આ સ્વદેશી (Indigenous) તાંબાના કણો લોહીમાં રહેલા ગ્લુકોઝ (Glucose) સાથે પ્રતિક્રિયા આપીને તુરંત પરિણામ આપે છે.
Vadodara: જટિલ મશીનરીની જરૂર નહીં, માત્ર રંગ પરથી નિદાન
આ ટેકનોલોજીની સૌથી મોટી ખાસિયત એ છે કે તેમાં કોઈ જટિલ મશીનરી (Complex Machinery) ની જરૂર નથી. જ્યારે લોહીના નમૂનાને આ નેનોઝાઈમ સાથે ભેળવવામાં આવે છે, ત્યારે ગ્લુકોઝના પ્રમાણ મુજબ તેનો રંગ બદલાય છે. આ રંગમાં થતા ફેરફારને નરી આંખે (Naked Eye) જોઈને સુગરનું સ્તર જાણી શકાય છે. લેબોરેટરી (Laboratory) ના મોંઘા ટેસ્ટ અને વારંવારના ધક્કામાંથી હવે સામાન્ય માણસને મુક્તિ મળશે.
આત્મનિર્ભર ભારત તરફ એક કદમ
આ સંશોધન પાછળ કેન્દ્ર સરકાર (Central Government) અને રાજ્ય સરકાર (State Government) નો મહત્વનો આર્થિક સહયોગ રહ્યો છે. અત્યાર સુધી ભારત ડાયાબિટીસ કિટ્સ અને એન્ઝાઈમ્સ માટે વિદેશી આયાત (Import) પર નિર્ભર હતું, પરંતુ આ શોધ દેશને સ્વાસ્થ્ય ક્ષેત્રે આત્મનિર્ભર (Self-reliant) બનાવશે. આ સસ્તી અને સચોટ પદ્ધતિ આગામી સમયમાં ગ્રામીણ વિસ્તારોમાં ડાયાબિટીસના નિદાન માટે ગેમ-ચેન્જર સાબિત થશે. વિજ્ઞાન જ્યારે માનવ કલ્યાણ (Human Welfare) માટે વપરાય ત્યારે તે સમાજ માટે વરદાન બની જાય છે.
આ પણ વાંચોઃ Gujarat Tiger Safety: છોટાઉદેપુર-દાહોદના જંગલોમાં વાઘના જીવન પર ગંભીર જોખમ! શું છે માંગ?