Vadodara : નેશનલ હાઈવે 48 પર કાળમુખા ડમ્પરનો કહેર, એક્ટિવા ચાલકનું કમકમાટીભર્યું મોત

National Highway 48 Accident : ઘટનાની કરુણતા

મળતી માહિતી મુજબ, મૃતક યુવાન પોતાની એક્ટિવા પર સવાર થઈને હાઈવે પરથી પસાર થઈ રહ્યો હતો. તે દરમિયાન પાછળથી પૂરપાટ ઝડપે આવી રહેલા ડમ્પર (Dumper) ના ચાલકે સ્ટીયરિંગ પરનો કાબૂ ગુમાવ્યો હતો અને એક્ટિવા સવારને જોરદાર ટક્કર મારી હતી. ટક્કર એટલી ભયાનક હતી કે એક્ટિવા ચાલક ફંગોળાઈને રોડ પર પટકાયો હતો. આ ક્ષણે કાળમુખા ડમ્પરના તોતિંગ પૈડા એક્ટિવા ચાલકના શરીર પર ફરી વળ્યા હતા. અકસ્માતના આ દ્રશ્યો એટલા હૃદયદ્રાવક હતા કે ત્યાંથી પસાર થતા અન્ય વાહનચાલકોના કાળજા પણ કંપી ઉઠ્યા હતા.

Vadodara Accident: નેશનલ હાઈવે 48 પર રકત રંજિત અકસ્માત! | Gujarat First

નેશનલ હાઈવે 48 પર વધુ એક અકસ્માતની ઘટના
જામ્બુઆથી તરસાલી જતા હાઈવે પર બની ઘટના
ડમ્પર ચાલકે એક્ટિવા સવારને લીધો અડફેટે
ડમ્પરના પૈડા એક્ટિવા ચાલક પર ફરી વળ્યા
અક્સ્માતમાં એક્ટિવા ચાલકનું મોત
પોલીસે ઘટના… pic.twitter.com/TcwMMq5wU1

— Gujarat First (@GujaratFirst) February 22, 2026

પોલીસ કાર્યવાહી અને ટ્રાફિકની સ્થિતિ

અકસ્માત સર્જાયા બાદ ડમ્પર ચાલક વાહન મૂકીને નાસી છૂટ્યો હતો. અકસ્માતને કારણે હાઈવે પર વાહનોની લાંબી કતારો લાગી હતી અને ટ્રાફિક વ્યવહાર ખોરવાયો હતો. બનાવની જાણ થતાં જ વડોદરા પોલીસ (Vadodara Police) ની ટીમ ઘટનાસ્થળે દોડી આવી હતી. પોલીસે મૃતદેહને પોસ્ટમોર્ટમ અર્થે ખસેડી તેની ઓળખ વિધિ હાથ ધરી છે. પ્રાથમિક તપાસમાં ડમ્પર ચાલકની ગફલતભરી ડ્રાઈવિંગ સામે આવી છે, જે અંગે ગુનો નોંધી વધુ તપાસ શરૂ કરવામાં આવી છે.

હાઈવે પર વધતા અકસ્માતો:

ઉલ્લેખનીય છે કે, જામ્બુઆ થી તરસાલી અને ગોલ્ડન ચોકડી સુધીનો નેશનલ હાઈવે 48નો પટ્ટો હવે 'બ્લેક સ્પોટ' (Black Spot) સમાન બની રહ્યો છે. ભારે વાહનોની અનિયંત્રિત ગતિ અને ટ્રાફિક નિયમોના ઉલ્લંઘનને કારણે નિર્દોષ વાહનચાલકોએ જીવ ગુમાવવો પડી રહ્યો છે. સ્થાનિકો દ્વારા હાઈવે પર પેટ્રોલિંગ વધારવાની અને સ્પીડ લિમિટનું કડક પાલન કરાવવાની માંગ ઉગ્ર બની છે.

આ પણ વાંચો : અમેરિકાના પૂર્વ વિદેશમંત્રી Hillary Clinton નડિયાદના મહેમાન: SEWA સંસ્થા અને ઓર્ગેનિક ખેતીની લીધી મુલાકાત