Vadodara News: 16 વર્ષની વિદ્યાર્થીનીની જાતીય સતામણી કરનાર નરાધમ શિક્ષકને 5 વર્ષની સખત કેદની સજા

શું હતી સમગ્ર ઘટના?

વડોદરાના એક ખાનગી કલાસિસમાં શિક્ષક તરીકે ફરજ બજાવતા પરેશ પરમારે પોતાની વિદ્યાર્થીનીની મજબૂરીનો લાભ ઉઠાવી તેની સાથે જાતીય સતામણી કરી હતી. આરોપીએ માત્ર સગીરાને હેરાન જ નહોતી કરી, પરંતુ તેને ધમકી પણ આપી હતી જેથી તે ચૂપ રહે. વિદ્યાર્થીનીએ આ બાબતે પરિવારને જાણ કરતા સમગ્ર મામલો સામે આવ્યો હતો અને પોલીસ ફરિયાદ દાખલ કરવામાં આવી હતી.

કોર્ટનો કડક ચુકાદો

કેસની સુનાવણી દરમિયાન સરકારી વકીલ દ્વારા રજૂ કરવામાં આવેલા મજબૂત પુરાવાઓ, સાક્ષીઓના નિવેદનો અને પીડિતાની જુબાનીને ધ્યાને રાખીને પોક્સો કોર્ટે આરોપી શિક્ષક પરેશ રાકેશભાઈ પરમારને દોષિત જાહેર કર્યો હતો. કોર્ટે આરોપીને 5 વર્ષની સખત કેદની સાથે રૂ. 5 હજારનો દંડ પણ ફટકાર્યો છે. આ ઉપરાંત, પીડિતાને ન્યાય મળે તે હેતુથી કોર્ટે આરોપીને રૂ. 1 લાખનું વળતર ચૂકવવાનો પણ કડક આદેશ આપ્યો છે.

આ પણ વાંચો:  Rajkot News: જંગલેશ્વર બિલ કૌભાંડ મામલે RMC ના પદાધિકારીઓને ગાંધીનગરનું તેડું, CM અને DyCM લેશે ક્લાસ