Vadodara: પાદરામાં લવ જેહાદના ખોટા કેસનો ડર બતાવી PI એ માંગી લાખોની લાંચ
- વડોદરા (Vadodara) ના પાદરામાં પીઆઈ લાંચ કેસ
- ઝગડાના કેસને લવ જેહાદમાં બદલવાની ધમકી
- લવ જેહાદના ખોટા કેસની ધમકી આપી PI એ માંગી 2 લાખની લાંચ
- નિર્દોષને લવ જેહાદમાં ફસાવવા માંગતા પાદરાના PI પર ACB ની તરાપ
- લાંચ લેતા વચેટિયાની ધરપકડ, PI ફરાર
Vadodara PI Bribe Cas: વડોદરા (Vadodara) ના પાદરા પોલીસ સ્ટેશનમાં ઝગડાના એક કેસમાં આરોપીની ધરપકડ કરવામાં આવી હતી. આ કેસના આરોપીને પોલીસ ઈન્સ્પેક્ટર વી. એ. ચારણે (PI V.A. Charan) ડરાવવાનું શરૂ કર્યું હતું અને તેને લવ જેહાદના ગંભીર કેસમાં ફસાવી દેવાની ધમકી આપી હતી.
Vadodara ના પાદરામાં પીઆઈ લાંચ કેસ
લવ જેહાદના ખોટા કેસમાંથી બચવા માટે પીઆઈ વી. એ. ચારણે આરોપી પાસે રૂપિયા 6 લાખની મોટી રકમની માંગણી કરી હતી. સતત દબાણ અને રકઝક બાદ અંતે રૂપિયા 2 લાખ આપવાનું નક્કી કરવામાં આવ્યું હતું.
લાંચીયા અધિકારીને પકડવા એસીબીની ટ્રેપ
ભોગ બનનાર વ્યક્તિએ આ મામલે એસીબીનો સંપર્ક કર્યો હતો. એસીબી દ્વારા ગોઠવવામાં આવેલા છટકા (Trap) દરમિયાન, પીઆઈ વી. એ. ચારણ વતી સાજિદઅલી ગુલામરસીદ સૈયદ નામનો વ્યક્તિ લાંચની રકમ લેવા પહોંચ્યો હતો. પંચની (Witness) રૂબરૂમાં સાજિદઅલીએ 2 લાખની લાંચ સ્વીકારી હતી અને તે જ સમયે પીઆઈ સાથે ફોન પર વાત પણ કરી હતી.
પાદરા પોલીસ સ્ટેશન, જી. વડોદરા ગ્રામ્ય ખાતે ફરજ બજાવતા (1) પોલીસ ઇન્સ્પેક્ટરશ્રી વી.એ. ચારણ તથા (2) પ્રજાજન સાજીદઅલી ગુલામરસુલ સૈયદનાઓ વિરુદ્ધ રૂપિયા બે લાખની લાંચ લેવાના ગુનામાં આરોપી નં.(2) લાંચ લેતા રંગે હાથ ઝડપાયા.@sanghaviharsh @PIYUSH_270871 @InfoGujarat @DeepakMeghani pic.twitter.com/7leKaye5yO
— ACB Gujarat (@ACBGujarat) April 16, 2026
પોલીસ અધિકારી ફરાર
એસીબીએ સાજિદઅલી સૈયદની રંગેહાથ ધરપકડ (Arrest) કરી છે. જોકે, ટ્રેપની ગંધ આવી જતાં પીઆઈ વી. એ. ચારણ સ્થળ પરથી ફરાર (Absconding) થઈ ગયા હતા. હાલ પોલીસ અને એસીબીની ટીમ ફરાર પીઆઈને ઝડપી પાડવા માટે તપાસ કરી રહી છે.
વહીવટી કાર્યવાહી
પોલીસ સ્ટેશનમાં ન્યાય આપવાને બદલે નિર્દોષને ફસાવવાની ધમકી આપી ભ્રષ્ટાચાર (Corruption) આચરનાર પીઆઈના આ કૃત્યથી સમગ્ર પોલીસ વિભાગમાં ચકચાર મચી ગઈ છે. એસીબીએ સાજિદઅલી વિરુદ્ધ ગુનો નોંધી વધુ તપાસ હાથ ધરી છે.
આ પણ વાંચો: પોલીસને ઉંધા ચશ્મા પહેરાવવા વારંવાર બદલતો હતો નંબર પ્લેટ, પણ સુરત PCB ની નજરથી બચી શક્યો નહીં બુટલેગર