100 નંબર પર ફોન કર્યો હતો

મકરપુરા પોલીસ મથકમાં કિરણકુમાર બાબુભાઇ નાગરે નોંધાવેલી ફરિયાદ અનુસાર, તેઓ એડવર્ટાઇઝમેન્ટ એજન્સી ચલાવે છે. અને શિવશક્તિ નગરમાં રહે છે. તેમની સોસાયટીમાં આવેલા મંદિરના બાકડા પર તેઓ બેઠા હતા. ત્યારે એક ઇસમે આવીને કહ્યું કે, તમારાથી કશું તુટવાનું નથી, બાદમાં તેણે બકવાસ શરૂ કર્યો હતો. બાદમાં તેમણે 100 નંબર પર ફોન કર્યો હતો. અને જાણ કરી કે, એક ઇસમ દારૂ પીને ઝઘડો કરે છે. જે વર્ધીના આધારે પોલીસ આવી પહોંચી હતી. બાદમાં તેની પુછપરછ કરતા પોતાનું નામ અમિતકુમાર નરોત્તમભાઇ પરમાર (રહે. હરિઓમ ધામ સોસાયટી, મકરપુરા) હોવાનું જણાવ્યું હતું.

પરમિટ માંગતા તે આપી શક્યો ન્હતો

અમિત પરમારની આંખો નશામાં લાલચોળ જણાતી હતી. એટલું જ નહીં, તેના ચાલવાના પણ હોશ ન્હતા, તે પોતાનું સંતુલન જાળવી શકે તેમ પણ ન્હતું. તેની પાસે દારૂ પીવાની પરમિટ માંગતા તે આપી શક્યો ન્હતો. આખરે અમિત પરમાર વિરૂદ્ધ મકરપુરા પોલીસ મથકમાં પ્રોહીબીશનની કલમો હેઠળ ગુનો નોંધવામાં આવ્યો છે. જે બાદ પોલીસે સમગ્ર મામલે વધુ કાર્યવાહી હાથ ધરી હોવાનું જાણવા મળી રહ્યું છે.

આ પણ વાંચો ------ Vadodara માં ફરી SMC નો સપાટો, રૂ. 51 લાખથી વધુનો વિદેશી દારૂનો મુદ્દામાલ જપ્ત