Vadodara: રસ્તા વચ્ચે ટ્રાફિક રોકી રિલ્સ બનાવવી ભારે પડી, પોલીસે ‘રિલબાજો’ને ભણાવ્યો કાયદાનો પાઠ

ટ્રાફિક નડતર અને સ્ટંટબાજી બદલ 4 ની અટકાયત

આ સમગ્ર મામલે ટ્રાફિક પોલીસ (Traffic Police) અને સ્થાનિક પોલીસ સ્ટેશન (Police Station) દ્વારા સંયુક્ત કાર્યવાહી કરવામાં આવી છે. જાહેર માર્ગ પર વાહનો અટકાવી, સામાન્ય જનતાને ભારે હાલાકી પહોંચાડવા બદલ પોલીસે કડક વલણ અપનાવ્યું છે. પોલીસે આ વાયરલ વીડિયોના આધારે તપાસ કરીને રીલ્સ બનાવનારા 2 (2 Boys) યુવકો અને 2 (2 Girls) યુવતીઓ સહિત કુલ 4 (4 Reel Makers) ની અટકાયત (Detained) કરી લીધી છે. પબ્લિક પ્લેસ (Public Place) પર નડતરરૂપ થવા બદલ તેમની સામે કાયદેસરની કાર્યવાહી હાથ ધરાઈ છે.

"અમે શર્મિંદા છીએ..." - પોલીસે કાયદાનું ભાન કરાવતા માફી માંગી

પોલીસ સ્ટેશનના લોકઅપની હવા ખાતાની સાથે જ રીલ્સ બનાવનારા યુવાનોનો સોશિયલ મીડિયાનો રોફ ગાયબ થઈ ગયો હતો. પોલીસે કાયદાનું ભાન કરાવતા જ આ શોર્ટ વીડિયો ક્રિએટર્સ પોતાની ભૂલ સમજી ગયા હતા. અટકાયત કરાયેલા એક યુવકે મીડિયા સમક્ષ હાથ જોડીને પોતાની ભૂલ સ્વીકારી હતી અને જણાવ્યું હતું કે, "અમે અમારી આ હરકત બદલ માફી માંગીએ છીએ, અને અમે શર્મિંદા છીએ. ભવિષ્યમાં ક્યારેય આવી ભૂલ નહીં કરીએ." પોલીસે આ યુવાનો પાસે કાયદાનું પાલન કરવાની લેખિત બાંહેધરી પણ લીધી છે.

 

View this post on Instagram

 

A post shared by Gujarat First (@gujaratfirst)

સોશિયલ મીડિયા યુઝર્સને વડોદરા પોલીસની કડક ચેતવણી

વડોદરા સિટી પોલીસના ઉચ્ચ અધિકારીઓએ આ માધ્યમથી શહેરના તમામ યુવાનો અને સોશિયલ મીડિયા ઇન્ફ્લુએન્સર્સને કડક શબ્દોમાં ચેતવણી (Warning) આપી છે. પોલીસે સ્પષ્ટ કર્યું છે કે, જાહેર રસ્તાઓ પર સ્ટંટ કરવા, ટ્રાફિક વ્યવસ્થા ખોરવવી કે કાયદો અને વ્યવસ્થાનો ભંગ કરીને વીડિયો શૂટ કરનારાઓને સાંખી લેવામાં નહીં આવે. ડિજિટલ પ્લેટફોર્મ પર ફેમસ થવા માટે સામાન્ય નાગરિકોની સુરક્ષા જોખમમાં મૂકનારાઓ સામે આગામી સમયમાં આનાથી પણ વધુ કડક કાનૂની પગલાં લેવામાં આવશે.

આ પણ વાંચો: Girnar Mountain પર 6 ઇંચ ધોધમાર વરસાદ, દામોદર કુંડમાં આવ્યા નવા નીર, જંગલ સોળે કળાએ ખીલ્યું