સારવાર દરમિયાન પોલીસને ચકમો
માહિતી અનુસાર આરોપીને તબિયત બગડતા સયાજી હોસ્પિટલના સ્કિન વિભાગમાં સારવાર માટે લાવવામાં આવ્યો હતો. સારવાર ચાલી રહી હતી ત્યારે આરોપીએ તકનો લાભ લઈ ફરજ પર રહેલા કોન્સ્ટેબલને ધક્કો માર્યો અને ત્યાંથી ભાગી છૂટ્યો હતો.
પોલીસ તંત્રમાં દોડધામ
આરોપી ફરાર થવાની જાણ થતાં જ પોલીસ તંત્ર સક્રિય થઈ ગયું છે. ઉચ્ચ અધિકારીઓને ઘટનાની જાણ કરવામાં આવી હતી અને તરત જ અલગ અલગ પોલીસ ટીમોને શોધખોળ માટે રવાના કરવામાં આવી છે. શહેરના વિવિધ વિસ્તારોમાં ચેકિંગ શરૂ કરવામાં આવ્યું છે અને સંભવિત સ્થળોએ નજર રાખવામાં આવી રહી છે.
ડ્રોન કેમેરાથી શોધખોળ
ફરાર આરોપીને ઝડપવા માટે પોલીસે આધુનિક ટેકનોલોજીની પણ મદદ લીધી છે. પોલીસ દ્વારા ડ્રોન કેમેરાની મદદથી આસપાસના વિસ્તારોમાં સર્ચ ઓપરેશન હાથ ધરવામાં આવ્યું છે. આરોપી શહેર છોડીને ન ભાગી શકે તે માટે બસ સ્ટેશન, રેલવે સ્ટેશન અને મુખ્ય માર્ગો પર પણ ચેકિંગ કડક બનાવવામાં આવ્યું હોવાનું જાણવા મળે છે. સીસીટીવી કેમેરા પણ તપાસવામાં આવી રહ્યા છે. આ ઘટનાએ પોલીસની કામગીરી પર મોટો સવાલો ઉભા કર્યા છે.
આરોપી ફરાર થતાં PI ડી.જે. પટેલે શું કહ્યું?
રાવપુરા પોલીસ સ્ટેશનના PI ડી.જે. પટેલે જણાવ્યું કે પોક્સો અને દુષ્કર્મનો આરોપી ગોવિંદ મોહનિયા, જે સમા પોલીસ સ્ટેશનનો આરોપી છે, સારવાર માટે સયાજી હોસ્પિટલમાં લાવવામાં આવ્યો હતો. ત્યાંથી તેણે પોલીસને ચકમો આપી ફરાર થઈ ગયો. આરોપી 10 માળના નવા બની રહેલા બિલ્ડિંગમાં છુપાયો હોવાની શંકા છે. તેને પકડવા પોલીસની ટીમો અને ડ્રોન કેમેરાની મદદથી સર્ચ ઓપરેશન ચાલી રહ્યું છે.
આ પણ વાંચોઃBotad: પોલીસ જાપ્તામાં કુખ્યાત આરોપીને VIP સુવિધા અપાતા ખળભળાટ, બે કોન્સ્ટેબલ સસ્પેન્ડ, જાણો સમગ્ર મામલો
આ પણ વાંચોઃ Surendranagar Crime: પૂજારી અને પત્નીના મૃતદેહને લઈ મોટો ખુલાસો, આ વાતને લઈ બંને વચ્ચે થઈ હતી તકરાર
